Sondaı-aq ol qyzmetkerlerdiń suraqtaryna jaýap berdi. Metallýrgterdiń kópshiligi zııandy óndiris ornynda jumys isteıtindikten, erte zeınetke shyǵý máselesin kóterip, «qaýipti keste» uǵymyn qaıtarý qajettigin atap ótti. Kezdesý sońynda zaýyt qyzmetkerleri saılaýaldy dodada sáttilik tilep, kandıdatqa jumysshylar kásipodaqtary birliginiń belgisi retinde kaskany tabys etti.
Metallýrgtermen kezdesýden keıin kandıdat Meıram Qajyken «Adal eńbek KZ» JShS-na bardy. Bul kompanııa «Qazaqmys» korporasııasynyń bastamasymen kásiporyndarda eńbek jaraqatyn alǵan adamdardy jumysqa ornalastyrý maqsatynda qurylǵan uıym. Kezdesý barysynda úmitker kompanııa basshylyǵymen jáne belsendilerimen tanysty. Munda qyzmetkerler erekshe qajettilikteri bar adamdardy áleýmettik qorǵaý máselesine den qoıdy.
Esterińizge salsaq, Jezqazǵan mys balqytý zaýyty 1971 jyly aqpanda paıdalanýǵa berildi. Zaýyttyń jobalyq qýaty – jylyna 200 myń tonna katodty mys óndiredi. Al «Adal eńbek KZ» JShS 2015 jyly Jezqazǵan qalasynda kompanııa kásiporyndarynda eńbek jaraqatyn alǵan adamdardy jumysqa ornalastyrý maqsatynda qurylǵanyn atap ótken jón.
