Sońǵy jyldary Syrdarııa ózeniniń arnasy tartylyp, oblystyń ekologııalyq jáne áleýmettik-ekonomıkalyq jaǵdaıy kúrdelenip otyr. Sýdyń tapshylyǵy, ásirese kúrish sharýashylyǵyna keri áserin tıgizip otyr.
«Kóktem kelse, ketpenin saılap egin egýge kirisetin dıqan qaýymynyń kóńili alań. Sý tapshylyǵy máselesi jaıbaraqattyqty kótermeıdi. Qamsyz egin egip, sý jetpeı jatsa, eńbektiń esh ketkeni emes pe?! Sondyqtan biz sý tapshylyǵy máselesin memlekettik deńgeıde sheshýimiz kerek. Aýyl sharýashylyǵy salasyn ártaraptandyrý jaıy kópten beri aıtylyp keledi. Degenmen bul iske bilek sybana kirisetin kez endi kelgendeı. Sebebi tek bir ǵana kúrish egýmen eńbekshi eldiń nesibesi artyp, el qambasynyń toq bolmaıtyny aıqyn sezile bastady», dedi J.Daırabaev.
Kandıdat ǵylym men óndiriste úndestik kerektigine basa nazar aýdardy. Ásirese sýarmaly júıege negizdelgen óńir úshin qazirgideı sý tapshylyǵy jaǵdaıynda bul óte mańyzdy. Kandıdattyń bastamalaryn qoldaǵan sharýalar men ǵalymdar aldaǵy ýaqytta júzege asatyn jobalarǵa birlese áreket etip, barlyq tarap úshin ońtaıly sheshim qabyldaýǵa daıyn ekendigin jetkizdi.
