Merekedegi qýanysh

О́ńirde mereıli merekege oraı kóptegen is-shara jos­par­lan­ǵan bolatyn. Kópshilikke qýanysh syılaǵan aıtýly kezdesýler men jıyndar da uıymdastyryldy.

– Bul biz úshin óte qýanyshty sát. Aýdanymyzdyń 8 bilim oshaǵyna 320 oqýshy aýyldardan qatynap oqı­dy. Oqýshylardyń qaýipsizdigin qamtamasyz etip, ýaqtyly qaty­na­ýy­na kórsetilgen jaqsy qamqorlyq boldy, – deıdi Birjan sal aýdandyq bi­lim bóliminiń basshysy Aqkenje Aqshalova.

Merekelik is-sharalar aıasynda úlgili ustazdar, dárigerler, boıyndaǵy kúsh-qaıratyn adal eńbekke arnaǵan qarapaıym jumysshylar joǵary marapattarǵa ıe boldy. Olar ózde­riniń nátıjeli eńbekterimen qoǵam baılyǵyn eseleýge, birlikti nyǵaıtyp, berekeni molaıtýǵa úles qosýda.

– Qazaqstanda ómir súrgeli jarty ǵasyrdan asty. Alǵashqyda sport salasy arqyly kelgen edim. Keıin keń peıil halyqtyń ystyq iltıpatyn unatyp, osy jerdiń sýyn iship, buıyrǵan dámin terip júrmin. Osynsha ýaqyt boıy ózimniń súıikti Otanyma aınalǵan elge súbeli úles qosyp, tyrbanyp eńbek etýdemin. Eń bastysy, bir-birin alalamaıtyn bekem birligi bar eldiń berekesi de mol, – deıdi Shortandy aýdanynyń sharýa qojalyǵynyń basshysy Shalva Djahýtashvılı.

Sóz arasynda óńirdegi ónerkásip salasy aıryqsha qarqynmen damyp kele jatqandyǵyn aıta ketsek, artyqtyǵy bolmas. Osy jyly sala serpini buryn-sońdy bolmaǵan deńgeıge jetti. Jyl basynan beri 1,5 trln teńgeniń ónimi óndirildi. Ásirese agrarlyq sektor, metallýrgııa, hımııa ónerkásibinde damý qarqyny óte joǵary. Aıtpaqshy, mereke qarsańynda otyzdan astam nysan paıdalanýǵa berildi. Turǵyn úı, ónerkásip nysandary, shalǵaıdaǵy shaǵyn aýyldardaǵy sport alańdary men stadıondar halyq ıgiligine berildi. Osynyń barlyǵy el eńsesin kóterýge baǵyttalǵan aýqymdy is ekendigi belgili.

Aqmola oblysy