Mádenıet qyzmetkerleriniń mereıi

Aımaqta mádenıet qyzmet­ker­le­ri­niń baspanaly bolýy – oblys ákimi nazarynda turǵan másele. Buǵan deıin birqatar maman Saran jáne Aqtas kentinen páter alǵan-dy. Onda 30 páter kilti tabystalǵan. Muǵalimder men dárigerler de úı­men qamtylýda. S.Seıfýllın atyn­da­ǵy akademııalyq qazaq drama teat­rynyń trýppa meńgerýshisi Janar Rahmanovaǵa úsh bólmeli páter tıdi.

– Kámeletke tolmaǵan eki balam bar. Búginge deıin páter jaldap kel­gen edik. Úıimiz – úsh bólmeli. Keń, eńseli, úlken, bárimizge jetedi. Qýany­shymyzda shek joq, – deıdi Janar Rahmanova.

Sonymen qatar óńirde kenshiler, metallýrgter jáne jumys isteıtin jastarǵa jeńildetilgen ıpoteka bar. Munyń syrtynda ózge de memle­ket­tik baǵdarlamalar arqyly da baspana alǵandar kóp. Aıtalyq, «Nurly jer» baǵdarlamasymen Respýblıka kúnine oraı Temirtaýda 90 turǵynǵa páter kilti tabystaldy. Al jyl so­ńy­na deıin Qaraǵandy oblysynda túrli baǵdarlamalar esebinen 2 myńǵa jýyq otbasy baspanaly bolady dep kútilýde.

Merekede metallýrgter mekeni áleýmettik nysandarmen tolyǵa tústi. Atap aıtqanda, Temirtaýda jańa emhana ashyldy. Emhana memleket jekemenshik áriptestik aıasynda ekin­shi shaǵyn aýdanda salyndy. Jańa emhanaǵa 20 myń adam tirkele alady. Sondaı-aq temirtaýlyqtar qýa­nyshyn «Odısseı» mádenı-saýyq­ty­rý kesheniniń paıdalanýǵa berilýi ese­leı tústi.

Qaraǵandy oblysy