Otandyq bıznes múddesi talqylandy

Sońǵy 9 jyl boıy talqylanyp kele jatqan másele – О́zbekstannyń 1993 jylǵy ózara saýdada taýarlardyń shyǵarý erejelerin qoldanýy boıynsha oń sheshim qabyldandy. Taýarlardyń shyǵarylǵan elin anyqtaýdyń biryńǵaı tártibi TMD-daǵy erkin saýda jáne taýar aınalymy rejiminiń tıimdi áreket etýi úshin qajet.

О́zbekstan prezı­denti Shavkat Mırzıeev 2022 jylǵy 14 qazanda Qazaqstanda ótken TMD memle­ketteri basshylary keńesiniń otyrysyn­da biryńǵaı tártipke qosylý týraly túbe­geıli kelisimdi jarııalady. Kezde­sýde aıtylǵan ózbek tarapynyń málime­tinshe, bul másele 2022 jyldyń sońyna deıin pysyqtalatyn bolady.

Sonymen qatar ózbek tarapy О́zbek­standa ımporttalatyn jáne óndiriletin alkogol men temeki ónimderine aksız mól­sher­lemesin kezeń-kezeńimen 2025 jylǵa deıin teńestirý jumystaryn júrgizetin bolady.

Kóptegen másele boıynsha oń sheshim qabyldandy:

- Qazaqstannyń mal azyqtyq daqyl­darynyń, jemshóptiń, jumyrtqanyń tran­zıtine ruqsat berý merzimin qysqartý. Bul másele buǵan deıin «Atameken» UKP alańynda kóterilgen bolatyn.

- О́zbekstan tarapynan maman­dan­dyrylǵan kompanııalar arqyly qazaq­standyq kartopty eksporttaýdy júzege asyrý. S.Jumanǵarınniń aıtýynsha, Qa­zaq­stan órkenıetti jaǵdaıda 500 myń ton­naǵa deıin kartop eksporttaýǵa daıyn.

- О́zbekstanǵa qazaqstandyq almany jetkizý tártibin jeńildetý. Jaýapty vedomstvolar fıtosanıtarlyq qujattama bo­ıynsha elektrondyq júıelerdi ıntegrasııalaý máselesin pysyqtaıdy. Budan basqa, О́zbekstan óziniń fıskaldyq organ­darynyń shyǵarylǵan eli – Qazaqstandy rastaıtyn qujattar bolǵan jaǵdaıda Qazaqstannan ákelinetin ónimniń quny bo­ıynsha talaptardyń qolaısyzdyǵy týraly erejeniń oryndalýyn baqylaýǵa alady.

- Qazaqstan men О́zbekstan arasyndaǵy qazirgi jáne jańa baǵyttar boıynsha áýe reıs­teriniń sanyn kóbeıtý, qazaqstandyq ta­rap úshin jańa baǵyt retinde Ferǵana, Buha­ra, Qarshı qalalaryn qosýdy pysyq­taý.

Kezdesýge qatysýshylar memlekettik satyp alýlarǵa ózara qatysý, energetıka, Qazaqstanda dárilik zattardy tirkeýdi jeńildetý máselelerin talqylap, ózara túsinistikke keldi, «Ortalyq Azııa» halyq­aralyq ónerkásiptik kooperasııa ortaly­ǵynyń jobasyn iske asyrýda odan ári pa­ıymdaýdy pysyqtady.