«On jyldan astam ýaqyt buryn Prezıdenttiń Jarlyǵymen qazannyń sońǵy jeksenbisi áleýmettik qorǵaý júıesi qyzmetkerleriniń kásibı merekesi bolyp bekitildi. Qurmetti áriptester, meniń shyn júrekten quttyqtaýlarymdy qabyl alyńyzdar! Sizderge erekshe nazar men qamqorlyqty qajet etetin adamdardyń problemalary júkteledi. Qarttar men múgedektigi bar adamdardyń, kópbalaly jáne az qamtylǵan otbasylardyń, jumyssyzdardyń jáne halyqtyń basqa da áleýmettik osal toptarynyń jaǵdaıyn jaqsartýǵa qosyp jatqan úlesińiz aıryqsha. Meıirimdilik júrekten shyǵady, jaqsylyq tilekten týady. Qurmetti áleýmettik qorǵaý júıesiniń qyzmetkerleri, osy aıtýly kún qarsańynda sizderge amandyq pen baqyt tileımin! Sizderdiń eńbekterińiz Qazaqstannyń turaqty damýyna yqpal etip, barlyq bastamalaryńyz árqashan sáttilikpen aıaqtalsyn», dedi T.Dúısenova.
Saltanatty jıyn barysynda vedomstvonyń 15 qyzmetkeri «Áleýmettik eńbek salasynyń úzdigi» tósbelgileri, qurmet gramotalary men alǵys hattar syndy túrli marapattarǵa ıe boldy.
