Mınıstr jarysqa qatysýshylardy quttyqtap, túrki memleketteri uıymdarynyń elderi arasyndaǵy yntymaqtastyq jańa deńgeıge kóteriletinine senim bildirip, mınıstrlik árqashan ulttyq sportty damytýdy qoldaıtynyn atap ótti.
«Sport pen mádenıet - adamdardy biriktiretin ortaq alań. Qazaq kúresi - túrki halyqtaryna jaqyn sport túri. Turan Barysy týrnıri bolashaqta sport áýesqoılaryn qyzyqtyratyn úlken joba bolatynyna senimdimin», dedi Dáýren Abaev.
Sportshylar jeti salmaq dárejesinde óner kórsetti: 55-ke deıin, 60-qa deıin, 66-ǵa deıin, 74-ke deıin, 82-ge deıin, 90-ǵa deıin jáne 90 kg-nan astam.
Jerebe boıynsha birinshi topta kilemde Vengrııa, Ázerbaıjan jáne О́zbekstan balýandary, ekinshi topta – Qyrǵyzstan, Túrkııa jáne Qazaqstan balýandary kezdesti.
Týrnır ulttyq sport túrin damytý jáne qoldaý maqsatynda ótkiziledi. Sonymen qatar Turan Barysy mindeti - jastardy sportqa tartý jáne ulttyq dástúrlerdi saqtaý.
