Qarý-jaraq daýy

Buǵan deıin saıasatker OPEK+ uıy­mynyń munaı óndirýdi qysqartý týraly sheshimi aıasynda Saýd Arabııasyna áskerı teh­nologııa­lar berýdi toqtatýdy usynyp, Pen­tagonmen kelissóz barysynda bul máseleni tereńirek zertteýge nıetti ekenin aıtqan bolatyn. The Guardian basy­lymyna bergen suhbatynda Blıý­mental AQSh-tyń Er-Rııadtaǵy seriktesterimen bólisken tehno­logııanyń Reseıge áshkere bolmaýyn qadaǵalaıtynyn, bir ja­ǵynan alańdaıtynyn aıtty. «Biz Pentagonmen áli de kelissóz júr­gizip, keńesemiz, olarmen qarý-jaraq júıesiniń ozyq tehnologııasyn bergen jaǵdaıda, qandaı shara qoldanatyny nemese onyń aldyn alý týraly ashyq sóılesemiz», dedi ol suhbatynda.

Senator sondaı-aq Saýd Arabııa­syndaǵy jáne áli de tranzıtte jatqan qarýdy Ýkraınaǵa berý týraly usynysty qoldaıtynyn atap ótti. Degenmen bir­qatar sarapshy Kıevke qarý-jaraq berý qıynǵa soǵyp, qaqtyǵystyń shıe­lenisýine áke­letinin atap ótti. О́z kezeginde Blıý­men­tal ýkraındyq jaýyngerlerdi elden tys jerlerde daıarlaýǵa bolatynyn aıtty.

Qarý-jaraqty baqylaý qa­ýym­das­tyǵynyń aǵa ǵylymı qyz­metkeri Djeff Abramson Saýd Arabııasynyń ondaǵan jyl boıy AQSh-tyń áskerı tehnıkasyn, sonyń ishinde zamanaýı qarý-jaraq júıeleriniń negizgi satyp alýshysy bolǵanyn atap ótti. Buǵan deıin Saýd Arabııasynyń Qorǵanys mınıstri Haled ben Salman Ál Saýd «Ýkraınadaǵy qaqtyǵysta Reseıdi qoldady» dep eline taǵylǵan aıyptardy negizsiz dep málimdegen bolatyn.

Al OPEK-tiń kelesi aıda munaı óndirýdi kúnine 2 mln barrelge qys­qartý týraly sheshimi Saýd monarhııasy men Vashıngtondaǵy demokrattar arasyndaǵy kelispeýshilikti tereńdete tústi.

Er-Rııadtyń Ýkraınamen qaq­tyǵysta onyń Reseı jaǵyna shyǵýyn, janarmaı quıý beket­terindegi janarmaı baǵasyn kóterýin AQSh bıligi kelesi aıda ótetin mańyzdy ara­lyq saılaý aldynda Djo Baıden men demokrattarǵa keri áser etildi dep sanaıdy. Baı­den de, onyń Kongrestegi Demo­kratııalyq odaqtastary da bul qadamǵa kóńili tolmaıtyndyqtaryn bildirdi. AQSh prezıdenti Saýd Arabııa­synyń bul qadamyna «jaýap» bolaty­nyn eskertip, Saýd Arabııasyn AQSh-pen qa­rym-qatynasyn ózgertýge shaqyrdy. О́tken jeksenbide Aqúıdiń ulttyq qaýipsizdik jónindegi keńes­shisi Djeık Sallıvan prezıdent Baıden iri munaı óndirýshi elmen qaýipsizdik jaǵynan kórsetiletin kómek arqyly esesin qaıtaratynyn aıtty. Alaıda dál sol kúni Saýd Arabııa­synyń qorǵanys mınıstri Halıd ben Salman Twitter-de OPEK+ munaı ón­dirisin qysqartý týraly sheshimdi «taza» ekonomıkalyq sebeptermen biraýyzdan qabyldanǵanyn aıtyp, pikir bildirdi. Al bul sheshim­ge qatysty Pen­tagon áli resmı tú­sinikteme bergen joq.

AQSh-tyń Demokratııalyq partııa­synyń depýtaty Rıchard Blıýmental Reseıdiń Er-Rııadtaǵy amerıkalyq serik­tes­termen bó­lisetin qupııa tehnologııa­ǵa qarsy bolǵanymen qazirgi ýaqytta Saýd Arabııasynda jáne Ýkraınadaǵy odaqtastaryna qarý-jaraq berý týraly usynystardy qoldaıtynyn málimdedi.

Saýd Arabııasynyń qarý-jaraq satylymyn zerttegen Iel menedjment mektebiniń professory Djeffrı Sonnen­feld sońǵy bes jylda Amerıkanyń eń sezimtal qarý-jaraqtary Saýd Arabııasyna jóneltilip otyrǵanyn aıtty. «Biz­de Kanada, Ulybrıtanııa, Izraıl jáne Aýstralııany qosa alǵanda, Saýd Arabııasy sııaqty biregeı qaýipsizdik seriktestigi bar odaqtastarymyz joq», dedi ol The Guardian-ǵa bergen suh­batynda. Al eki el arasyndaǵy qarý-jaraq týraly kelisimder 2017 jyly Tramp ákimshiligi tusynda bastalǵan edi.