Usynystardyń kóbi áleýmettik qamsyzdandyrý salasyna – 598 (21,2%), turǵyn úı-kommýnaldyq sharýashylyqqa – 492 (17,4%), jer qatynastaryna – 358 (12,7%), bilimge – 210 (7,4%) qatysty boldy.
«Azamattar kandıdattan ne qalaıtynyn, ne kútetinin aıtyp, óz usynystarymen kelip jatyr. Jańa Qazaqstandy qurý isine qatysty kóp adamnyń ózindik usynystary, Prezıdenttikke kandıdattan ne kútetinderi týraly paıym-pikirleri bar. Ár pikir jiti nazarǵa alynatyn bolady. Bul – «Halyq únine qulaq asatyn memleket» tujyrymdamasynyń oryndalyp jatqanynyń aıqyn kórinisi. Sondaı-aq saılaýǵa qatysty kez kelgen másele boıynsha keńes alýǵa bolatyn Call-ortalyq jumys isteıdi», dedi kandıdattyń Respýblıkalyq qoǵamdyq qabyldaý bólmesiniń basshysy Álııa Sadyrbaeva.
Búginde el aýmaǵyndaǵy 227 qabyldaý bólmesinde saılaýshylarmen kezdesýler ótip jatyr. Atap aıtqanda, osy ýaqyt aralyǵynda 689 kezdesý uıymdastyrylyp, 2 myńnan astam adam qabyldandy. Aıta keteıik, kandıdattyń qoǵamdyq qabyldaý bólmesine jeke kelýmen qatar, azamattar Qasym-Jomart Toqaevqa arnaǵan usynystaryn, tilek hattaryn toqaev2022.kz saıtyna joldaı alady nemese beınehabarlama júkteýine bolady.
