Qaraqat Ábden úshin bul merekeniń orny erekshe ekendigi belgili boldy. «Meni prezıdenttikke kandıdat retinde «Kásibı áleýmettik qyzmetkerlerdiń ulttyq alıansy» usynǵan bolatyn. Áleýmettik qyzmettiń elimiz úshin qanshalyqty mańyzdy ekenin jaqsy bilemin. Kóp jaǵdaıda áleýmettik qyzmetkerlerdiń qıyn jumysy kópshilikke kórinbeıdi. Sondaı-aq bul salada eńbek etetin jandardyń 90% áıelder qaýymy quraıdy. Jalpy, áleýmettik qyzmetkerlerdiń jumysyna memleket tarapynan kóbirek kóńil bóliný kerek dep sanaımyn», dedi Q.Ábden.
Jıyn barysynda prezıdenttikke úmitker óziniń saılaýaldy baǵdarlamasyn tanystyryp, áleýmettik salany jetildirýge, qarııalarǵa arnalǵan jeńildikterdi kóbeıtýge qatysty suraqtar men usynystardy talqylady.
Buǵan deıin Q.Ábden Pavlodar qalasynyń saılaýshylarymen kezdesý ótkizgen bolatyn. Kandıdat ustazdarmen júzdesip, bilim berý salasyndaǵy ózekti máselelerge nazar aýdardy. «Stýdentter, bilim alýshy jastar – elimizdiń bolashaǵy, al ustazdar – qoǵamdaǵy orny erekshe tulǵalar. Saılaýaldy baǵdarlamada bilim berý salasyn jetildirýge kóp kóńil bólingen. Ásirese, bilim alýshylar úshin joǵary bilimniń tegin bolýy, olardyń jataqhanamen, ınnovasııalyq qural-jabdyqtarmen qamtamasyz etilýi asa ózekti», dedi kandıdat.
