Úmitker eń áýeli Ahmet Baıtursynuly atyndaǵy Qostanaı óńirlik ýnıversıtetine bardy. Stýdentter jáne oqytýshylarmen kezdesý barysynda jas mamandardy jumysqa ornalastyrý, jalaqy jáne ony ındeksteý máseleleri kóterildi.
«Árıne, biz árqashan jastardyń jumysy men jaqsy jalaqysy bolǵanyn qalaımyz. Alaıda mundaı másele tek bir jyl ishinde tez sheshile qoımaıdy. Sebebi, búgingi tańda jyldar boıy qordalanyp qalǵan, ózekti máselelerdiń birine aınalǵan. Barlyǵy eń tómengi jalaqy mólsherinen bastalady, ıaǵnı bul atalǵan problemanyń negizi bolyp otyr. Bıylǵy jyly bul kórsetkish 60 myń teńgeni qurady. 2023 jyldyń 1 qańtarynan bastap ol 70 myń teńgeni quramaq. Bizdiń oıymyzsha, ol 70 myń emes, 150 myń teńgeden astam bolýy kerek. Damyǵan elderde jalaqynyń eń tómengi mólsheri 717 myń teńgeni qurap otyr, ıaǵnı kórgenderińizdeı aıyrmashylyq 10 ese», dedi kandıdat. Úmitker laıyqty ómir laıyqty jalaqydan bastalatynyn atap ótti.
Budan keıin Meıram Qajyken Qostanaıdaǵy saılaýaldy shtab jumysymen tanysty. Úgit-nasıhat jumystary qazannyń 21-inen bastalǵan. Shtab múshelerine saılaýaldy úgit-nasıhat jumystaryn júrgizýge 15 erikti kómektesýde. M.Qajyken atqarylǵan jumys nátıjelerine oń baǵa berdi.
