Qazaqstan Respýblıkasy Aýyl sharýashylyǵy mınıstrliginiń buıryǵy № 12-1/14

2014 jylǵy 13 qańtardaǵy,  Astana qalasy Qazaqstan Respýblıkasy Aýyl sharýashylyǵy mınıstrligi memlekettik qyzmetshileriniń qyzmet etıkasynyń qaǵıdalaryn bekitý týraly Qazaqstan Respýblıkasy Aýyl sharýashylyǵy mınıstrliginiń memlekettik qyzmetshileriniń moraldyq-adamgershilik beınesine jáne iskerlik sapalaryna qoıylatyn talaptardy arttyrý maqsatynda buıyramyn: 1. Qosa berilip otyrǵan Qazaqstan Respýblıkasy Aýyl sharýashylyǵy mınıstrliginiń memlekettik qyzmetshileriniń qyzmet etıkasynyń qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Kadr jáne ákimshilik qamtamasyz etý departamenti (J.E. Amanbaev) zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń resmı jarııalanýyn qamtamasyz etsin. 3. Osy buıryq Qazaqstan Respýblıkasy Ádilet mınıstrliginde memlekettik tirkelgen kúninen bastap qoldanysqa engiziledi. Mınıstr A. MAMYTBEKOV.

Qazaqstan Respýblıkasy Aýyl sharýashylyǵy mınıstriniń 2014 jylǵy 13 qańtar № 12-1/14 buıryǵymen bekitilgen Qazaqstan Respýblıkasy Aýyl sharýashylyǵy mınıstrligi memlekettik qyzmetshileriniń qyzmet etıkasynyń qaǵıdalary 1. Qazaqstan Respýblıkasy Aýyl sharýa­­­shylyǵy mınıstrligi memlekettik qyzmet­shileriniń qyzmet etıkasynyń qaǵıdalary (budan ári – Qaǵıdalar) «Qazaqstan Respýb­lıkasy memlekettik qyzmetshileriniń ar-namys kodeksi týraly» (budan ári – Ar-namys kodeksi) Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy № 651 Jarlyǵynyń 2-tarmaǵyna, «Memlekettik qyzmet týraly» 1999 jylǵy 23 shildedegi Qazaqstan Respýb­­­lıkasynyń Zańyna jáne «Sybaılas jemqor­lyqpen kúres týraly» 1998 jylǵy 2 shildedegi Qazaqstan Respýblıkasynyń Zańyna (budan ári – memlekettik qyzmet salasyndaǵy jáne sybaılas jemqorlyqpen kúres týraly zańnama) sáıkes ázirlengen. 2. Qaǵıdalar Qazaqstan Respýblıkasy Aýyl sharýashy­­­­­lyǵy mınıstrligi (budan ári – Mınıstrlik), vedomstvolary jáne onyń aýmaqtyq bólimsheleri memlekettik qyzmet­­­shileriniń (budan ári – Mınıstrliktiń memle­kettik qyzmet­shileri) ózderiniń qyzmett­ik mindetterin oryndaý bary­syndaǵy, áriptes­terimen jáne azamattarmen ózara qarym-qaty­nastardaǵy negizgi minez-qulyq normalaryn aıqyndaıdy. 3. Mınıstrliktiń memlekettik qyzmetshileri óz qyzmetinde: 1) zańdylyq qaǵıdatyn, Qazaqstan Respýb­lıkasy Konstıtýsııasynyń, mem­le­kettik qyzmet salasyndaǵy Qa­zaq­stan Respýblıkasynyń zańdary men ózge de norma­tıv­tik quqyqtyq aktileriniń talaptaryn basshylyqqa alǵany; 2) adaldyq, tártiptilik, jaýapkershilik, belsendilik, bastamashylyq tanytqany jáne kelissózder (kezdesýler) barysynda basqa adamdarǵa shydamdylyq, sypaıylyq, ádeptilik jáne qurmet tanytqany; 3) shyqqan tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge qatynasyna, senimine, turǵylyqty jerine jáne ózge de mán-jaılarǵa qaramastan, adamnyń jáne azamattyń ary men qadir-qasıetin syılaǵany; 4) Qazaqstan halqynyń birligi men eldegi ultaralyq kelisimdi nyǵaıtýǵa yqpal etkeni, memlekettik jáne basqa da tilderge, Qazaqstan halqynyń salt-dástúrlerine qurmetpen qaraǵany; 5) adal, ádil, qarapaıym bolǵany, jalpy qa­­byldanǵan moraldyq-etıkalyq normalardy saq­taǵany, azamattarmen jáne áriptestermen qarym-qatynasta sypaıylyq jáne ádeptilik tanytqany; 6) ujymnyń strategııalyq maqsattar men min­detterge qol jetkizýdegi birtutastyǵyna yqpal etkeni; 7) qyzmettik mindetterin tıimdi atqarý úshin óziniń kásibı deńgeıin jáne biliktiligin arttyrǵany; 8) óziniń is-áreketterimen qoǵam tarapynan negizdi synǵa sebepker bolmaǵany, syn úshin qýdalaýǵa jol bermegeni, oryndy syndy kemshilikterdi joıý jáne óziniń qyzmetin jaqsartý úshin paıdalanǵany; 9) óziniń mindetterin tıisti oryndaǵany, jumysyn naqty qalyptasqan jaǵdaıdy eskere otyryp, uıymdastyrǵany jáne josparlaǵany; 10) jumys ýaqytyn tıimdi paıdalanǵany jáne ujym­­daǵy basqa memlekettik qyzmet­shilerdiń eńbek mindetterin oryndaýyna kedergi keltiretin is-áreketterdi jasamaǵany; 11) qyzmettik sýbordınasııany saqtaǵany; 12) memlekettik menshiktiń saqtalýyn qamta­masyz etkeni, avtokólik quraldaryn qosa alǵanda, ózine senip tapsyrylǵan memlekettik menshikti utymdy, tıimdi jáne tek qyzmettik maqsatta paıdalanǵany; 13) Qazaqstan Respýblıkasynyń, memlekettik bıliktiń jáne Mınıstrliktiń bedelin túsirýge yqpal etetin is-áreketterdi jasamaǵany; 14) óziniń qyzmettik mindetterin atqarý barysynda iskerlik kıim stılin ustanǵany; 15) memlekettik qyzmetshilerdiń ózderiniń fýnksııalary men mindetterin atqarý kezindegi bastamashylyǵyn qoldaǵany jáne kótermelegeni; 16) múddeler qaqtyǵysyn boldyrmaý jáne retteý boıynsha sharalardy qabyldaǵany; 17) osy Qaǵıdalardyń talaptaryn buzý fak­tile­rine qaǵıdatty túrde den qoıǵany, aıyp­tynyń jaýapkershiligimen qatar óziniń jeke jaýapkershiligi týraly máseleni qoıýǵa daıyn bolǵany jón. 4. Mınıstrliktiń memlekettik qyzmetshileri Ar-namys kodeksinde belgilengen sybaılas jem­qorlyqqa qarsy minez-qulyqty saqtaǵany jón. Eger Mınıstrliktiń memlekettik qyzmet­shisiniń óziniń qyzmettik mindetterin atqarý barysynda sybaılas jemqorlyqpen ushtasatyn nemese sybaılas jemqorlyqqa jaǵdaı jasaıtyn sybaılas jemqorlyq quqyq buzýshylyqtar týraly dáıekti aqparaty bolatyn bolsa, memlekettik qyzmet salasyndaǵy jáne sy­baı­las jemqorlyqpen kúresý týraly zańna­mada belgilengen sharalardy qabyldaýy qajet. 5. Memlekettik qyzmetshiler memlekettik saıasat jáne qyzmet máseleleri týraly óziniń pikirin kópshilik aldynda bildirmegeni jón, eger ol: 1) memleket saıasatynyń negizgi baǵyttaryna sáıkes kelmeıtin bolsa; 2) jarııa etýge ruqsat berilmegen qyzmettik qupııany ashatyn bolsa; 3) memlekettiń laýazymdy tulǵalarynyń, basqarý organdarynyń, basqa da memlekettik qyzmetshilerdiń atyna ádepke saı emes sózder qamtylatyn bolsa. 6. Mınıstrliktiń memlekettik qyzmetshileri retteletin salalarda tekserýlerdi júzege asyrý kezinde: 1) tekseristi ádil jáne obektıvti ótkizgeni; 2) tekseriletin sýbektilerdiń quqyqtary men zańdy múddelerin saqtaǵany; 3) tekserýge áser etýi múmkin tekseriletin sýbektilerdiń ókilderimen ózara qarym-qatynas jasamaǵany jón. 7. Mınıstrlikte memlekettik qyzmet jáne eńbek salasyndaǵy Qazaqstan Respýb­lı­kasynyń zańnamasynda belgilengen jaǵdaı­lardy qospa­ǵanda, kadrlyq sheshimderdi qabyl­daý kezinde mem­lekettik qyzmetshilerdi kemsi­týdiń kez kelgen túri­ne, sondaı-aq protek­sıonızmniń, jekelegen mem­lekettik qyzmet­shilerge jasalatyn artyq­shy­lyq pen je­ńildikterdiń kez kelgen túrine jol berilmeıdi. 8. Qyzmettik ýaqyttan tys kezde Mınıstrliktiń memlekettik qyzmetshileri: 1) jalpy qabyldanǵan moraldyq-etıkalyq normalardy ustanýy, qoǵamǵa qarsy minez-qulyqqa jol bermeýi; 2) qoǵamdyq jaǵymsyz rezonans týdyratyn is-áreketterge jol bermeýi, óziniń bedeline nuqsan keltiretin minez-qulyqtan qalys qalýy; 3) Mınıstrliktiń qyzmetkeri joǵary ataǵyna kir kel­tiretin kez kelgen jeke baılanystardan aýlaq bolýy qajet. Qyzmetten tys qarym-qatynastarda Mınıstr­liktiń memlekettik qyzmetshileri osy Qaǵıdalardyń talaptaryn jáne memlekettik qyzmet salasyndaǵy jáne sybaılas jem­qor­lyqqa qarsy kúres týraly zańnamany saq­taǵany jáne Mınıstrliktiń memlekettik qyz­metshisiniń bedelin, qadir-qasıetin túsi­retin nemese onyń adaldyǵyna, ádildigine, obek­tıvtiligi men alalamaýshylyǵyna kúmán týǵy­zatyn barlyq nárseden aýlaq bolǵany jón. ––––––––––––––––––– Buıryq Qazaqstan Respýblıkasynyń Ádilet mınıstrliginde 2014 jylǵy 12 aqpandaǵy Nor­matıvtik quqyqtyq ke­lisimderdi memlekettik tirkeýdiń tizilimine №9138 bolyp engizildi.