Maı ónerkásibi búginde ósimdik maıyna degen suranystyń artýyna baılanysty agroónerkásiptik keshenniń neǵurlym perspektıvaly jáne tez damyp kele jatqan salalarynyń biri bolyp tabylady. Daıyn ónim qazaqstandyqtardyń ǵana emes, búkil álemdegi satyp alýshylardyń tutyný qorjynynda erekshe oryn alady.
Kezdesý barysynda Jıgýlı Daırabaev salany damytý úshin qolǵa alynýǵa tıis bastamalarǵa toqtaldy. Onyń aıtýynsha, búginde agrarlyq salada tepe-teńdik joq. Kezinde ishki óńdeýdi damytý úshin shekteýler engizilgen. «Maı eksportyna engizilgen kez-kelgen shekteýlerdi alyp tastaý kerek. Osylaısha otandyq zaýyttardyń óndiristik júktemesi artyp, básekelestik ornaıdy. Sonymen qatar, kúnbaǵys tuqymdarynyń eksportyn óndiris kóleminiń 40% deńgeıinde belgilegen durys. Bul shara maı zaýyttary men eksporttaýshylar arasynda aqylǵa qonymdy básekelestik qurýǵa múmkindik berip, sybaılas jemqorlyqtyń aldyn alýǵa septigin tıgizedi, óıtkeni keı jaǵdaılarda kvotalardy naqty maı tuqymy joq kompanııalar alyp, úshinshi kompanııalar eksportqa jibergen. О́simdik maıy baǵasynyń ósýine baılanysty maı óńdeý salasynda otandyq óndiristi damytý máselesi óte ótkir tur», dedi J.Daırabaev.
