Bul otyrys Prezıdenttiń Qazaqstan halqyna «Ádiletti memleket. Birtutas ult. Berekeli qoǵam» Joldaýyn júzege asyrý aıasynda uıymdastyryldy. Senatorlar sapar barysynda óńirdegi bilim, densaýlyq saqtaý jáne eńbekti damytý máselelerin talqylady.
«Komıtettiń Túrkistan oblysyna barý saparynyń maqsaty – aımaqta bolý jáne osy salalardaǵy ózekti máselelermen tanysý. Jalpy, kezdesýlerdiń bári paıdaly boldy. Olardyń nátıjeleri men qorytyndylary aldaǵy ýaqytta tıisti zań jobalaryn qaraý kezinde jáne komıtet jumysy barysynda paıdalanylatyn bolady», dedi komıtet tóraǵasy Narıman Tóreǵalıev.
Senatorlar sapar aıasynda «Otyrar» memlekettik arheologııalyq mýzeı-qoryǵynda bolyp, mekemeniń ǵylymı-aǵartýshylyq qyzmetiniń júzege asyrylý barysymen tanysty jáne mýzeı ujymymen áńgimelesti.
Parlamentshiler oqýshylar saraıynda da bolyp, oqýshylarmen kezdesti. Depýtattar jıynǵa qatysýshylarǵa Senattyń zań shyǵarý qyzmeti týraly aıtyp berdi jáne elimizdegi bilim salasyn damytýdyń mańyzy týraly jan-jaqty áńgimeledi.
Senatorlar, sonymen qatar oblys jáne qala máslıhattarynyń depýtattarymen, sondaı-aq jergilikti atqarýshy organdar ókilderimen kezdesti.
