Belgııada ótken jarystyń sońǵy kezdesýinde jerlesterimiz Fransııanyń «Sportıngimen» saıysqa tústi. Básekeni óte qarqyndy bastaǵan bizdiń jigitter alǵashynda úsh dop aıyrmashylyǵymen alǵa shyqty. Bul goldardyń avtorlary – Dáýren Tursaǵulov, Kaıo jáne Dıego Favero. Ekinshi kezeń bel ortaǵa jetkende qarsylastar tegeýrinin kúsheıtti. Sonyń nátıjesinde Bolınıa men Fıneo esep aıyrmashylyǵyn qysqartty. Alaıda odan árige olardyń áli jetpedi. Osylaısha, 3:2 esebimen jeńiske jetken almatylyqtar elıtalyq kezeńde kúsh synasý qurmetine ıe boldy. Esterińizge sala keteıik, buǵan deıin «Qaırat» Belgııanyń «Halle-Gooık» (2:2) jáne Ispanııanyń «Palma» (2:2) klýbtarymen teń oınaǵan edi.
Al Rýdnyıdyń «Aıatyna» ondaı baq buıyrmady. Alǵashqy eki oıynda olar Horvatııanyń «Novo Vrıemesimen» (2:2) teń oınaǵanymen, Portýgalııanyń «Sportıngine» (1:7) ese jiberdi. Sheshýshi matchta otandastarymyz jergilikti «Pýlege» (2:5) jol berdi.
