sýret: Polisia.kz
Polisia.kz habarlaǵandaı, Jýravlev aýyldyq okrýgi aýmaǵynda júrgizilgen reıd barysynda 67 jastaǵy jergilikti turǵyn basqarǵan «IJ-Iýpıter 5» motosıklyn Bulandy aýdandyq polısııa bóliminiń ýchaskelik ınspektorlary toqtatqan.
Motosıkldi tintý barysynda eki aqqýdyń óleksesi men 12 kalıbrli TOZ 34 tegis uńǵyly ańshy myltyǵy tabyldy. Aıta keteıik, qarý polısııa bóliminde tirkelgen, budan bólek aýyl turǵynynda tıisti ańshy kýáligi bar. Aqmolalyqtardyń aıtýynsha, ol Qyzyl kitapqa engen aqqýlardy aýlaýǵa tyıym salynǵanyn bilgen, alaıda qustardy atyp tastaǵan.
«Bul derek Qazaqstan Respýblıkasy Qylmystyq kodeksiniń 337-babynyń 1-bóligi (Zańsyz ańshylyq) boıynsha sotqa deıingi tergep-tekserýdiń biryńǵaı tizilimine engizildi. Qajetti tergeý amaldary júrgizilýde», dep habarlady Aqmola oblysy ákimdiginiń baspasóz qyzmeti.
Polıseıler óńirde sýda júzetin qustardy aýlaýǵa tyıym salynǵanyn eskertedi. Aqqýlar sany azaıyp bara jatqan qustyń túri retinde Qazaqstan Respýblıkasynyń Qyzyl kitabyna engizilgen.
