«Búgin men Astanada sýtegi dıplomatııasy keńsesin ashýdy josparlap otyrǵanymyzdy qýana habarlaımyn. Bolashaqta bul bıýro bizdiń elderdiń sarapshylary men jaýapty tulǵalarymen almasý ortalyǵyna aınalady. «Jasyl» sýteginiń kómegimen biz ónerkásip pen kóliktegi shyǵaryndylardy nólge deıin azaıtqymyz keledi», dedi Annalena Berbok baspasóz máslıhatynda.
Qazaqstandyq tarap elimizdiń astanasynda sýtegi dıplomatııasy keńsesin qurý týraly bastamany qoldady.
«Biz nemis tarapynyń Astanada «sýtegi dıplomatııasy» keńsesin ashý týraly usynysyn quptaımyz. Berbok hanym, bul bastamańyz úshin alǵys aıtamyz jáne oǵan jan-jaqty qoldaý kórsetýge daıynbyz», dedi Muhtar Tileýberdi.
Qazaqstannyń Syrtqy ister mınıstri Qazaqstanda ekonomıkanyń joǵary tehnologııalyq sektorlary úshin qajetti shıkizatty, sırek kezdesetin metaldardy bastapqy óńdeý, sondaı-aq ekologııalyq taza energııa kózderiniń óndirisin qurý salasyndaǵy ózara is-qımyl ekenin atap ótti.
«Munyń quqyqtyq negizi 2012 jyly shıkizattyq, óndiristik jáne tehnologııalyq áriptestik týraly úkimetaralyq kelisimge qol qoıý arqyly jasalǵan bolatyn. Al 27 qazanda HYRASIA ONE nemis-shved konserniniń enshiles uıymy «Svevind» men Qazaqstan Úkimeti ınvestısııalyq kelisimge qol qoıdy, onyń aıasynda taza jáne ekologııalyq taza ónim shyǵaratyn álemdegi eń iri kásiporyndardyń birin salý josparlanýda», dedi Qazaqstan Syrtqy ister mınıstri.
Buǵan deıin habarlaǵanymyzdaı, Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Germanııa Syrtqy ister mınıstri Annalena Berbokpen kezdesti.
