Qala turǵyndary men óńirdegi shaǵyn jáne orta bıznesti damytyp júrgen kásipkerler Qaraqat Ábdenniń saılaýaldy baǵdarlamasymen tanysyp, kókeıde júrgen saýaldaryn qoıdy. Bıznesmender memleket tarapynan jasalǵan qoldaýdy sezinip jatqandaryn aıtty.
Jıyn barysynda úmitker shaǵyn jáne orta kásipkerliktiń mańyzdylyǵyn atap ótip, bul salanyń el ekonomıkasynyń damýyna zor úles qosatynyn jetkizdi. Sondaı-aq kezdesýde bıznes pen otbasylyq qundylyqtardy ushtastyrý, ulttyq qundylyqtardy dáripteý, halyqtyń áleýmettik jaǵdaıyn jaqsartý máseleleri talqylandy.
Talǵar qalasynan bastaý alǵan otbasylyq bıznesti damytý suraqtary oblystaǵy Tuzdybastaý aýylynda órbidi. Q.Ábden osy aýyldaǵy otbasylyq kásipti dóńgeletip otyrǵan Saıypjamal О́teptiń áýletine arnaıy atbasyn burdy. «Men zeınetke shyqqaly beri «Aqyrys» atty otbasylyq bıznesti qolǵa aldym. Sútten kilegeı, qatyq, qurt, irimshik, syr, aıran, kóje, jent jasaımyz. Eldiń bolashaǵy osyndaı shynaıy, qoldan jasalǵan eńbekten bastalady. О́zimiz Qaraqat Ábdenniń saılaýaldy baǵdarlamasyn tyńdap, razy bolyp júrgenbiz. Eldi aralap, biz sekildi qarapaıym adamdardy qoldap júrgeni úshin alǵysymyzdy bildiremiz», dedi kásipker.
