«Aýyr sómkeler máselesin sheshýdiń, sondaı-aq mektepterdegi sıfrlandyrý deńgeıin arttyrýdyń keshendi sharasy retinde planshetterdi paıdalaný usynylyp otyr. Bizdiń usynysymyz – 2023 jyly servıstik model mehanızmi arqyly birinshi synypqa baratyn 400 myńnan astam oqýshyny planshetpen qamtamasyz etý», dedi Baǵdat Mýsın úkimet otyrysynda.
Ol usynylǵan mehanızmniń negizgi artyqshylyqtaryn atap ótti.
«Birinshiden, servıstik modeldi paıdalaný kezinde, tikeleı satyp alýdan aıyrmashylyǵy, 4 jylǵa kelisimshart somasyn bólý arqyly bıýdjetke túsetin bir rettik júkteme tómendeıdi, onyń barysynda oqýshy bastaýysh synyptaǵy bilimin aıaqtaıdy. Bul modeldi qazirdiń ózinde baılanys operatorlary halyq pen bızneske telefondar men planshetter satý kezinde belsendi túrde qoldanady», dedi mınıstr.
Mınıstrdiń aıtýynsha, servıstik model aıasynda planshetterdi jalǵa berý qyzmetterinen bólek, mektep oqýshylaryn arnaıy tarıfpen mobıldi ınternetpen qamtamasyz etý, sondaı-aq planshetterdiń úzdiksiz jumys isteýin qamtamasyz etý úshin servıstik qyzmet kórsetý qyzmetteri satyp alynady.
«Úshinshiden, mańyzdy faktor - ruqsat etilgen onlaın resýrstar tizimin jańartý úshin planshetke qashyqtan qol jetkizý múmkindigi. Eń bastysy, sheteldik óndiriske táýeldilikti azaıtý úshin bul mehanızm tek otandyq óndirýshilerge ǵana qoljetimdi bolady», dep qosty Baǵdat Mýsın.
