Qala ákiminiń orynbasary Almatydaǵy shyǵarmashylyq salalardyń alǵashqy aptasynda sońǵy jyldary aqparattyq júıelerdi jobalaý, baǵdarlamalyq qamtamasyz etý, veb-portaldar, mýzyka, kınoındýstrııa, jarnama, marketıng, bilim jáne mádenıet salalaryndaǵy belsendilik barynsha joǵary ósim kórsetkenin aıtty.
«Bizdiń damýymyzdyń vektory sáýlet, dızaın jáne zamanaýı óner, mýzyka, kıno jáne anımasııa, sán jáne qolóner, jańa medıa, sıfrlyq mádenıetter, kıbersport jáne oıyndardy damytý salalarynda shoǵyrlanatyn bolady», dedi ákimniń orynbasary.
Onyń aıtýynsha, 2021 jyly ShOB kreatıvti salalardan tólegen salyq kólemi 5,4 mlrd teńgeni qurap, 2020 jylmen salystyrǵanda 5 paıyzǵa ósken. Jumys istep turǵan kásiporyndardyń eń joǵary shoǵyrlanýy Bostandyq (5862 sýbekt), Almaly (5214) jáne Medeý (3845) aýdandarynda, eń azy – Alataý (1138) jáne Naýryzbaı (773) aýdandarynda baıqalady.
