«Astana» ma, «Aqtóbe» me?

Qazaqstandyq tanymal fýt­bolshy jáne jattyqtyrýshy Aleksandr Jýıkovtyń qurmetine ótkizilgen XXV týrdaǵy birqatar matchta tosyn nátıje tirkelip, týrnır kestesiniń tek joǵary satysynda emes, tómengi jaǵynda da aıtarlyqtaı ózgerister boldy.

Máselen, týrdyń ortalyq oıyny sanalǵan «Ordabasy» – «Aqtóbe» arasyndaǵy matchta qonaqtar alań ıelerimen teń túsip, chempıondyqqa synyq súıem qalǵanda súrindi. Birinshi taım­da 2:0 esebimen alda turǵan «Aqtóbe» fýtbolshylary ekinshi taımda óz qaqpasyna eki gol ótkizip aldy. Aınaldyrǵan 10 mınýttyń ishinde bas tóreshi Stas Pokatılov qorǵaǵan qaqpaǵa eki penaltı belgiledi. Olardy alań ıeleriniń 23 jastaǵy shabýylshysy Dmı­trıı Borodın sátti oryn­dap, komandasyn jeńilisten qut­qaryp qaldy. Sóıtip 2:2 ese­bimen teń aıaqtalǵan kezdesýde aqtó­belikter tek eki upaıynan ǵana emes, óz tarıhyndaǵy altynshy chempıondyǵynan da aıyryl­dy deýge bolady. Sebebi «Astana» sońǵy týrda eń keıingi bes matchtyń úsheýinde je­­ńilip, ekeýinde teń túsken Qa­ra­ǵandynyń «Shahterimen» kezdesedi. Al «Aq­tóbe» óz ala­ńynda qola júl­dege talas júr­gizip kele jatqan Alma­tynyń «Qaıratyn» qabyl­daıdy.

«Aqtóbeniń» upaıdan shashaý shyǵarǵanyn «Astana» klýby tıimdi paıdalanyp, syrt alańda Petropavldyń «Qyzyljaryn» 2:0 esebimen tize búktirdi. Ke­zekti jeńisine qol jetkizgen elor­dalyqtar, osylaısha, ózderiniń jetinshi chempıondyǵyna qaraı senimdi qadam jasady. Nege ekeni belgisiz, «Qyzyljardyń» bas jattyqtyrýshysy Álı Álıev bul oıynǵa negizgi quramnyń birneshe oıynshysyn shyǵarmaı, qosalqy quramda ustap otyrdy. Atap aı­tar bolsaq, chempıonat boıy «Qyzyljardyń» qaqpasyn qorǵap kelgen Mıroslav Lobansev bul joly alańǵa shyqqan joq. Onyń ornyn Vadım Petrov basty. Bul match 22 jastaǵy Petrovtyń el chempıonatyndaǵy debıýti boldy. Sondaı-aq tájirıbeli qorǵaýshy Iýrıı Býshman da qosalqy quramda qalsa, shabýylshy Elgýdja Lob­janıdze tipti matchtyń hatta­masyna da engen joq.

Al «Turan» men «Maqtaaral» arasyndaǵy ońtústik derbıinde maqtaaraldyqtardyń, ıaǵnı chem­pıonat debıýtantynyń mereıi ústem boldy – 3:0. Qatarynan altynshy matchta jeńiske jetken «Maqtaaral» bul jeńisinen keıin týrnır kestesiniń sońǵy oryndarynan toǵyzynshy sa­tyǵa deıin bir-aq joǵarylady. Chem­pıonat boıy klýbtarǵa upaı úlestirip, kósh sońynda qalyp qoıǵan Túrkistan oblysynyń komandasy sońǵy týrlarda bar­lyq upaıyn bolmasa da, ózine qajettisin qaıtaryp aldy. Sóıtip el birinshiligine tuńǵysh ret qa­tysyp jatqanyna qaramastan, týrnır kestesindegi toǵyzynshy ornymen aldaǵy maýsymda da Premer-lıgada oınaıtyn boldy.

О́tken týrda-aq «Maqta­araldan» jeńilip (1:0), bas júl­deden de, kúmis medaldan da kúderin úzgen byltyrǵy el chem­pıony – «Tobyl» syrt alańda «Tarazdy» 2:0 esebimen jeńip, úshinshi ornyn saqtap qaldy. Oıyndaǵy eki goldy da komanda kapıtany Ashat Taǵybergen soqty. Bir aıta keterligi, ulttyq quramanyń oıynshysy eki golyn da aıyp soqqysynan saldy.

Sondaı-aq qola júldege talas júrgizip jatqan Almatynyń «Qaıraty» Pavlodardyń «Aq­sýyn» jeńdi. «Ortalyq» stadıon­da ótken matchta alań ıeleri qo­naqtar qaqpasyna jaýapsyz eki gol soqty. «Qaırat­tyń» bra­zılııalyq shabýylshysy Joao Paýlý 11 metrlik aıyp dobyn sátti oryndasa, matchtyń aıaq­ta­lýyna sanaýly mınýttar qal­ǵanda Gúljigit Alyqulov mergendigimen kózge túsip, esepti 2:0-ge jetkizdi.

Al kósh sońynda kele jatqan Oraldyń «Aqjaıyǵy» syrt alańda «Kaspıımen» teń oınasa (0:0), Atyraýda ótken «Atyraý» – «Shahter» matchynda da jeńimpaz komanda anyqtalmady – 2:2,

Chempıonattyń sońǵy, sheshý­shi týry 6 qarashada ótedi. Bul týrda «Qyzyljar» – «Kaspıı», «Aqjaıyq» – «Tobyl», «Taraz» – «Turan», «Maqtaaral» – «Orda­basy», «Aqtóbe» – «Qaırat», «Aqsý» – «Atyraý» jáne «Shah­ter» – «Astana» klýbtary kez­desedi.

Týrnır kestesi