Áleýmettik qyzmetker – arnaýly áleýmettik qyzmetterge qajettilikti qamtamasyz etip, olardyń deńgeıin baǵalaý men aıqyndaýdy júzege asyratyn, belgilengen talaptarǵa sáıkes keletin jetkilikti bilimi men biligi bar mamandyq ıesi desek, elimizde jyl saıyn qazan aıynyń sońǵy jeksenbisinde Áleýmettik sala qyzmetkerleri kúni atalyp ótedi. Al áleýmettik sala elimizdegi eń ózekti baǵyttardyń biri ekeni kúmán týǵyzbasa kerek. Osy oraıda «Oral arnaýly áleýmettik qyzmet kórsetý ortalyǵynda» áleýmettik sala qyzmetkerleri kúni merekesine oraı atalǵan ortalyqtyń mádenı uıymdastyrýshylarmen jáne Qazaqstan halqy Assambleıasymen birlese «Izgi istiń ıesi» atty merekelik is-shara uıymdastyryldy. Onyń saltanatty ashylýynda Batys Qazaqstan oblystyq Qazaqstan halqy Assambleıasy tóraǵasynyń orynbasary D.Saratov jáne «Oral arnaýly áleýmettik qyzmet kórsetý ortalyǵynyń» dırektory A.Dáýletov sóz sóılep, áleýmettik sala qyzmetkerlerin merekelerimen quttyqtady.
Saltanatty is-shara barysynda jumysymen erekshelengen eń úzdik áleýmettik qyzmetkerler marapattaldy. Merekelik keshte «Mura» balalar vokaldyq ansambli, Almaty qalasynda ótken halyqaralyq festıvaldyń Gran-prı ıegeri «Malınovye zorı» balalar halyq bı ansambli, «Aǵalar» qazaq halyq ansambli» óz ónerlerin ortaǵa saldy.
Dınara MURATBEKQYZY,
Oral arnaýly áleýmettik qyzmet kórsetý ortalyǵynyń qyzmetkeri
Batys Qazaqstan oblysy
