Konferensııanyń moderatory Ǵylym jáne joǵary bilim vıse-mınıstri Talǵat Eshenqulov eń aldymen tulǵanyń túrki dúnıesine ortaq murasyna toqtaldy. «Ahmet Baıtursynuly – túrki halyqtaryna ortaq tulǵa. Onyń ilimi halyqaralyq ǵylymı keńistikte, ásirese, túrki álemindegi gýmanıtarlyq ǵylymdarda reformatorlyq ıdeıalarymen erekshelenedi», dedi ol.
Jıyn barysynda otandyq jáne Túrkııa, Ázerbaıjan, О́zbekstan, Qyrǵyzstannyń alashtanýshy, ahmettanýshy ǵalymdary baıandama jasady. Fılologııa ǵylymdarynyń doktory, professor Tursyn Jurtbaı baıandamasynda alashtyqtardyń ult rýhanııatyndaǵy orasan eńbegin atap ótti.
«Ulttyq táýelsiz sana týraly ıdeıanyń tuǵyryn Álıhan Bókeıhan saıası turǵydan qalyptastyrsa, Ahmet Baıtursynuly sonyń ıdeıalyq negizin tikeleı ornyqtyrdy dep esepteımin», dedi ǵalym.
Al fılologııa ǵylymdarynyń doktory, professor Aıgúl Ismaqova «Ahmet Baıtursynuly – otarlaýǵa qarsy turǵan ult ustazy» atty baıandamasynda: «Jazǵan sóz janym ashyp Alashyma!» dep óziniń ómirlik ustanymyn aıqyndap alǵan Ahmet Baıtursynuly Otanǵa adal qyzmet etýdiń úlgisin kórsetip ketken biregeı ǵalym» ekenin aıtty.
Sonymen qatar atalǵan konferensııada E.Bóketov atyndaǵy Qaraǵandy ýnıversıtetiniń professory, fılologııa ǵylymdarynyń doktory Jandos Smaǵulov «Ahmet Baıtursynuly – ulttyq ádebıettaný ǵylymynyń negizin qalaýshy», A.Baıtursynuly atyndaǵy Qostanaı memlekettik ýnıversıtetiniń professory, fılologııa ǵylymdarynyń doktory Almasbek Ábsadyq «Ustaz joly: aýyl muǵaliminen Bilim mınıstrine deıin», О́zbek memlekettik álem tilderi ýnıversıtetiniń professory, fılologııa ǵylymdarynyń doktory (О́zbekstan Respýblıkasy) Mahanbet Júsipov «Ahmet Baıtursynuly – qazaq jáne jalpy tiltanymynda til, tildesim, tildesimdik qyzmet, til materıaly ǵylymı uǵymdary konsepsııasynyń negizin qalaýshy», Q.Qarasaev atyndaǵy Bishkek memlekettik gýmanıtarlyq ýnıversıtetiniń professory, fılologııa ǵylymdarynyń doktory (Qyrǵyz Respýblıkasy) Tashpolat Sadyqov «A.Baıtursynuly jáne qyrǵyz tiltanym termınologııasynyń qalyptasýy», Baký Slavıan ýnıversıteti Túrkologııa kafedrasynyń dosenti, fılologııa ǵylymdarynyń doktory (Ázerbaıjan Respýblıkasy) Nýrıda Novrýzova «Ahmet Baıtursynuly jáne túrki tilderindegi termınologııa prınsıpteri týraly» taqyryptarynda baıandama jasady.
Konferensııa aıasynda Ahmet Baıtursynulynyń eńbekterin tanytýǵa arnalǵan kitap kórmesi, ult ustazynyń ómiri men qyzmetine arnalǵan fotokórme uıymdastyrylyp, «Qazaq órkenıeti jáne Ahmet Baıtursynuly» taqyrybynda beınerolık kórsetildi.
Sondaı-aq jıyn barysynda «Ahmet Baıtursynuly. Tańdamaly shyǵarmalary» (qazaq, túrik, aǵylshyn, orys tilderinde) jáne Halyqaralyq Túrki akademııasy tarapynan usynylǵan Raıhan Imahanbettiń «Ǵasyr sańlaǵy» kitaptary tanystyryldy.
