Is-sharaǵa Ulttyq ulannyń Bas qolbasshylyǵy men elordalyq áskerı bólimderiniń ókilderi, sondaı-aq №25 orta mekteptiń oqýshylary men olardyń ata-analary qatysty.
«Jas búrkit» áskerı-patrıottyq klýbynyń qalyptasýy men qyzmetine, sondaı-aq áskerge deıingi jastardy patrıottyq rýhta tárbıeleý isine atalǵan bilim ordasynyń jáne Ulttyq ulannyń 6636 áskerı bóliminiń basshylyǵy eleýli úles qosyp keledi.
– Quqyqtyq tártip áskeriniń ókili retinde, oqýshylardy «Jas búrkit» kıimimen ǵana emes, Ulttyq ulannyń formasymen kórgenime óte qýanyshtymyn. Mektepte alǵashqy áskerı daıyndyqty ótkizýge qajetti materıaldyq-tehnıkalyq baza bar. Oqýshylardyń boıyna úlkenderdi qurmetteý, urpaqtar sabaqtastyǵy, ulttyq tarıh pen mádenıetti taný syndy qundylyqtardy sińiremiz. Bul olardyń óz eliniń patrıottary retinde qalyptasýyna oń áser eteri sózsiz. Tárbıelenýshilerge jan-jaqty bilim alýǵa, sportpen jáne qoldanbaly ǵylymdarmen shuǵyldanýǵa, áskerı salada óz daǵdylaryn jetildirýge shyn júrekten tilektespin, – deıdi Ulttyq ulan Bas qolbasshylyǵy Tárbıe jáne áleýmettik-quqyqtyq jumystar bas basqarmasynyń bastyǵy, polkovnık Aleksandr Kramar.
Búgingi tańda Ulttyq ulan men «Jas búrkit» klýby birlesip, jas sarbazdardyń áskerı ant qabyldaý rásimderi, áskerı boryshyn ótegen jaýyngerlerdi qurmetteý keshteri, merekelik saltanatty jıyndar, taqyryptyq vıktorınalar men baıqaýlar, «Erlik sabaqtary», «Ashyq esik kúnderi» aksııalary sııaqty áskerı-patrıottyq mazmundaǵy kóptegen is-sharalar ótkizýde.
1995 jylǵy 7 sáýirde tájik-aýǵan shekarasynda qaza tapqan Ishki áskerdiń 17 jaýyngerin eske alýǵa arnalǵan jyl saıynǵy eske alý sherýine áskerı-patrıottyq synyptardyń qatysýy dástúrge aınalǵan. Áskerı-patrıottyq klýb ózderine jetekshilik etetin 6636 áskerı bóliminiń qoǵamdyq ómirine belsendi qatysyp qana qoımaı, elorda aýmaǵynda aýqymdy is-sharalar ótkizedi.
Jıyn sońynda Ulttyq ulan Bas qolbasshylyǵynyń ókilderi alǵashqy áskerı daıarlyqtyń eń belsendi oqýshylary men oqytýshylaryn «Quqyqtyq tártip áskerlerine – 30 jyl» mereıtoılyq medaldary jáne gramotalarmen marapattady.
