Aǵaıyndy Amanbaı

Bekarys jáne Beıbarys Amanbaı ótken jyldyń kú­zinde Ulttyq ulan qataryna azamattyq boryshyn óteýge attanǵan. Aralary bir jylǵa jetpeıdi. Ekeýi de áskerge óz erkimen suranyp kelgen. Taǵdyrdyń jazýymen bir áskerge, bir bólimshege túsipti. Búgingi tańda aǵaıyndylar 5574 áskerı bóliminiń tisqaq­qan sarbazdary. Qos sarbaz kom­pıýter tilin jetik meńger­­geni sonshalyq, qazir áskerı bólimde kásibı mamandarmen birge ıyq tiresip jumys isteýde. Bekarys pen Beıbarystyń uqsastyǵyn «Árekettestik-2022» koman­da­lyq-shtabtyq oqý-jattyǵý kezinde tilshiler de baıqap qalǵan kórinedi.

О́ıtkeni aǵaıyndy Aman­baı­lardyń týys ekenin bir kórgennen ańǵarýǵa bolady. Bekarys ekeýiniń júris-turysy, sóz sóıleý máneri uqsas. Bekarys boıshań jáne minezi ashyq. Bir kórgen adammen eski dosyndaı tez til tabysyp ketedi. Al Beıbarys kerisinshe tuıyqtaý, birden ashylyp sóılemeıdi. Sonda da oqyrmandar úshin óz oıymen bólisýge kelisti.

– Otan aldyndaǵy boryshty óteý – ár azamat­tyń paryzy. Áskerdiń óz qıynshylyqtary bolǵa­nymen munda asa alyp bara jatqan másele joq. Bar­ly­ǵy­myz bir atanyń balasyndaı dospyz. Ásker­de tár­­tip pen dostyqtyń, shydamdy­lyq pen sabyr­dyń qadirin túsi­nesiń. Aǵańmen bir bólimde qyz­­met atqarsańyz múlde keremet. Men onyń kons­pek­tilerin toltyrǵanda, ol meniń jaǵamdy tigip beredi. Ekeýmiz bir-birimizge demeý bolyp júre­miz. Onyń ústine, ákemiz ásker salasynyń ar­da­geri. Bizdiń áskerge barǵanymyzǵa qoldaý kór­setip, birinshi qa­tarda áskerı komıssarıatqa jiber­gen de sol kisi. Áskerı adam bolý bizdiń qanymyzda bar desek, artyq aıtpaımyz, – deıdi aǵaıyndar.

Bekarys áskerden keıin Ult­tyq ulanda kelisim­shart boıynsha qalǵysy keledi. Ony ás­kerı forma bala kezinen qy­zyqtyrady. Sonymen qatar elek­trondy gadjetter men jańa tehnologııalarǵa degen qyzy­ǵýshylyǵy zor. Áskerı bólimdegi kompıý­terlerdi jasap, kózge túsken sarbazdyń biliktiligin bólim basshylyǵy da joǵary baǵalaǵan. Osy­laısha, sarbaz jaýyngerlik min­det­terimen qatar, áskerı bólimniń avtomattandyrylǵan basqarý júıesiniń tamyryna qan júgirtip júr. Aǵasy Beıba­rys bola­shaqta dáriger atanǵy­sy keletinin jasyrmady. Sol sebepti de ol áskerı boryshyn aıaq­taǵannan keıin medısınalyq oqý ornyna túsýge bel baılaǵan.

Qos sarbazdyń óz múmkin­dikterin kórsetýge jol ash­qan komandırlerine degen alǵysy mol. Olar bir jyl ishinde patrıottyq, rýhanı jáne ja­ýyn­gerlik daıyndyqtan ótip, Otanymyzdyń eljandy azamat­tarynyń qataryn kóbeıtedi degen senimdemiz.

Daryn SEIITOV,

áskerı jýrnalıst