О́ıtkeni oqýshy kezinen zerektigimen tanylǵan jas óren týraly «Eń úzdik» jýrnalynda maqala jarııalanǵan. О́mirbaıandyq deregi «Daryndynyń dara joly» kitabynda jaryq kórgen. BUU-nyń Model Congress halyqaralyq konferensııasyna qatysyp, «HHI ǵasyr úzdiginiń modeli» atanǵan.
Nursıpat kindik qany Jylyoı aýdanynda tamǵanyn maqtan tutady. Aýdan ortalyǵy – Qulsary qalasyndaǵy D.Jazyqbaev atyndaǵy №16 jalpy orta mektepti úzdik bitirgen. Qazir ol AQSh-tyń Nıý-Iork shtatyndaǵy Peıs ýnıversıtetiniń neırohırýrgııa fakýltetinde oqyp júr. Qazaq qyzyna kampýsta tegin turý úshin arnaıy grant berilgen. Sondaı-aq 150 myń dollar kóleminde taǵaıyndalǵan stıpendııa alady.
– Áleýmettik jelide otandyq medısınanyń osal tusy jóninde jıi syn aıtylady. Árıne, medısınada áli de túıindi máseleler bar. Bilikti mamandar tapshylyǵy baıqalady. Bolashaqta bul máseleniń bári oń sheshimin tabady dep oılaımyn. Otandyq medısınany damytý úshin osy salany tańdadym. Jaqsy bilim men tájirıbe alý maqsatymen shetelde oqýǵa sheshim qabyldadym. Oqýymdy bitirgen soń elge oralyp, jeke klınıka ashýǵa jumys isteımin. Maqsatym – naýqasqa durys dıagnoz qoıatyn, sapaly em júrgizetin bilikti maman bolý, – deıdi N.Nurmanbetova.
Atyraý oblysy
