Mınıstr prezıdent Stevo Pendarovskımen jáne Assambleıanyń (Parlamenttiń) tóraǵasy Talat Djaferımen kezdesýler ótkizdi. Sondaı-aq syrtqy ister mınıstri Býıar Osmanımen kelissózder júrgizdi.
Soltústik Makedonııa prezıdentimen halyqaralyq kún tártibindegi ózekti máseleler talqylandy. M.Tileýberdi Prezıdent Qasym-Jomart Toqaevtyń Qazaqstandy saıası jańǵyrtý jónindegi aýqymdy baǵdarlamasyn iske asyrý týraly egjeı-tegjeıli baıandady.
Assambleıa tóraǵasy T. Djaferımen suhbat barysynda QR SIM basshysy Qazaqstandaǵy parlamentarızm men kóppartııalylyqty nyǵaıtý prosesi týraly habardar etti. Taraptar parlamentaralyq baılanystardy keńeıtý jáne parlamenttik dostyq toptarynyń qyzmetin jandandyrý joldaryn egjeı-tegjeıli talqylady. Zań shyǵarýshylardyń saparlarymen almasý jáne olardyń halyqaralyq parlamenttik ınstıtýttar sheńberindegi ózara is-qımylynyń mańyzdylyǵy atap ótildi.
