Komıtet tóraǵasy Narıman Tóreǵalıev dóńgelek ústel Prezıdenttiń «Jańa Qazaqstan: Jańarý men jańǵyrý joly» atty Qazaqstan halqyna Joldaýyn iske asyrý aıasynda ótip jatqanyn atap ótti.
«Kezdesýimizdiń negizgi maqsaty – elimizdegi densaýlyq saqtaý salasyndaǵy ǵylym, bilim jáne emdeý tájirıbesin damytýdyń qazirgi jaǵdaıy men ózekti máselelerin talqylaý. Medısına damýynyń qazirgi kezeńinde kásiptik bilim berýde problemalar bar ekeni anyq. Memleket basshysy densaýlyq saqtaý júıesine kadrlar daıarlaý máselesiniń mańyzdylyǵyna erekshe nazar aýdaryp otyr, óıtkeni dárigerlerdi daıarlaý sapasy memlekettik saıasattyń mańyzdy basymdyǵy sanalady», dep atap ótti senator.
Otyrysqa qatysýshylar dárigerlerdi oqytý men biliktiligin arttyrýǵa nazar aýdara otyryp, densaýlyq saqtaý salasynyń negizgi problemalyq máselelerin talqylady. Densaýlyq saqtaý, sondaı-aq ǵylym jáne joǵary bilim mınıstrleriniń orynbasarlary, ýnıversıtetterdiń rektorlary salany damytý týraly óz oılaryn ortaǵa saldy. Densaýlyq saqtaý salasynyń memlekettik organdary men múddeli úkimettik emes uıymdardyń bári kezdesýge qatysty.
Narıman Tóreǵalıev dóńgelek ústeldi qorytyndylaı kelip, talqylaýǵa belsendi qatysqandarǵa alǵys bildirdi jáne kezdesý barysynda kóterilgen barlyq usynystar qarastyrylatynyn atap ótti. Senator bul problemalyq máseleler Úkimettiń josparlanǵan saǵatynda da qaralatynyn aıtty.
