Bıyl 3 qarasha kúni saǵat 15:00-de Eýrazııa ulttyq ýnıversıtetinde Astana qalasy ákimdiginiń «Astana jastary» JRO» KMM elordalyq JOO túlekteri men jumyssyz jastar úshin bos jumys oryndar jármeńkesin ótkizedi.
Jyl basynan beri Astana qalasy ákimdiginiń «Astana jastary» JRO» KMM bos jumys oryndar jármeńkesin úsh márte ótkizdi. Oǵan elordanyń 126-dan astam jumys berýshisi, 1200-den astam jastar men stýdentter qatysty jáne 800-den astam bos jumys orny usynyldy, onyń barysynda 150-ge jýyq adam jumysqa ornalastyryldy.
Bos oryndar jármeńkesine qalanyń 30-dan astam jumys berýshisi qatysady. Bul elorda jastary úshin ózderi qalaǵan saladaǵy bos oryndardy zerdeleýge jáne birneshe jumys berýshimen tikeleı sóılesýge tamasha múmkindik.
