Kezdesýge Ortalyq saılaý komıssııasynyń músheleri Shavkat О́temisov pen Anastasııa Shegorsova, Astana jáne Almaty qalalarynyń aýmaqtyq saılaý komıssııalarynyń tóraǵalary Baqyt Bektemisova, Janna Asanova, sondaı-aq demokratııa, parlamentarızm jáne azamattardyń saılaý quqyǵyn saqtaý jónindegi Halyqaralyq baıqaýshy ınstıtýtynyń dırektory - TMD PAA keńesi hatshylyǵy basshysynyń orynbasary Ivan Mýshket qatysty.
N.Ábdirov baıqaýshylardy saılaý naýqanyna daıyndyq barysymen, onyń negizgi kezeńderi týraly habardar etti, sondaı-aq osy ýaqytqa deıin prezıdenttikke kandıdattardy tirkeý aıaqtalǵanyn jáne shtabtar saılaý aldyndaǵy úgit-nasıhat jumystaryn júrgizip jatqanyn atap ótti.
О́z kezeginde Dmıtrıı Kobıskıı Ortsaılaýkomǵa kezdesýdi uıymdastyrǵany úshin alǵysyn bildirdi. TMD PAA ókilderi Qazaqstan Respýblıkasy Prezıdentiniń saılaýyn ázirleý men ótkizýge, onyń ishinde kandıdattardyń saılaý aldyndaǵy pikirsaıystaryn uıymdastyrý men ótkizýge, saılaýshylar sanyna, berilgen esepten shyǵarý kýálikteriniń sanyna, saılaý komıssııalarynyń daýys berý kúnine daıyndyǵyna qatysty túrli suraqtar qoıdy.
Kezdesý barysynda Nurlan Ábdirov TMD PAA baıqaýshylaryn Ortsaılaýkomnyń otyrystary men oqytý is-sharalaryna qatysýǵa shaqyrdy, sondaı-aq ózderin qyzyqtyrǵan máseleler boıynsha OSK múshelerimen jáne apparatymen kezdesýlerin ótkizýge daıyn ekenin jetkizdi.
TMD PAA ókilderi QR OSK janynan qurylǵan Sarapshy keńestiń jumysyna onlaın formatta qatysýǵa múddeliligi men daıyndyǵyn bildirdi, sondaı-aq jastardyń saılaý belsendiligin arttyrý boıynsha birlesken jobalardy pysyqtaýdy usyndy. Kezdesý sońynda eki tarap saılaýdy uıymdastyrý men ótkizý jáne olardy baıqaý boıynsha jumystarǵa ózara tabys tiledi.
Saılaý komıssııalaryna ádistemelik kómek kórsetý, elektoraldyq oqytý úderisin úılestirý jáne daýys berý kúnine olardyń daıyndyǵyn anyqtaý úshin saılaý ýchaskelerine barý maqsatynda Ortsaılaýkom músheleri el óńirlerine saparlaryn jalǵastyrýda. Osylaısha, 1-3 qarashada OSK tóraǵasynyń orynbasary Konstantın Petrov pen OSK múshesi Sábıla Mustafına Ulytaý oblysyna, OSK hatshysy Muhtar Erman Jambyl oblysyna bardy.
О́ńirlerde Ortsaılaýkom músheleri aýmaqtyq jáne ýchaskelik saılaý komıssııalarynyń, memlekettik organdardyń, kandıdattardyń saılaýaldy shtabtarynyń, saıası partııalar men BAQ ókilderimen semınar-keńester ótkizdi. OSK músheleri qatysýshylardy Prezıdent saılaýyn daıyndaý men ótkizýdiń erekshelikteri týraly habardar etti. Saılaý naýqanynyń negizgi kezeńderiniń erekshelikteri, prezıdenttikke kandıdattardy usyný jáne tirkeý qorytyndylary, múgedektigi bar adamdardyń saılaý quqyqtaryn qamtamasyz etý, elektoraldyq oqytý jáne basqa da máseleler egjeı-tegjeıli qaraldy.
О́z kezeginde ýákiletti memlekettik organdar OSK múshelerine óńirlerde saılaýshylar tizimderi boıynsha júrgizilip jatqan jumystar, saılaýdy uıymdastyrýshylyq, materıaldyq-tehnıkalyq qamtamasyz etý, múgedektigi bar azamattar úshin saılaý ýchaskeleriniń qoljetimdiligin qamtamasyz etý, saılaý úderisine qatysýshylardyń saılaý zańnamasyn zańdylyqtyń saqtalýyn qadaǵalaýdy júzege asyrý, daýys berý kúni saılaý ýchaskelerinde quqyqtyq tártipti qamtamasyz etý, saılaý bıýlletenderin kúzetý jáne jetkizý týraly baıandady.
