Toǵyz aıdyń qorytyndysy boıynsha óndirilgen kendegi mystyń ortasha mólsheri 0,88 paıyzǵa josparlanyp, 0,98 paıyzdy quraǵan. О́tken jyldyń sáıkes kezeńindegi kórsetkish 0,95 paıyzǵa teń. Qańtar-qyrkúıek aralyǵynda «Qazaqmys» baıytý fabrıkalary 23 mln 358 myń tonna ken óńdegen. 2021 jyldyń 9 aıynda 23 mln 419 myń tonna ken óńdelgen bolatyn. Sondaı-aq 189,750 myń tonna konsentratty mys óndirilgen. 2021 jyldyń uqsas kezeńimen salystyrǵanda (185,998 myń tonna) kórsetkish 3,752 myń tonnaǵa ulǵaıdy. 2022 jyldyń 9 aıynda óndirilgen katodty mys kólemi 205,631 myń tonnaǵa teń. Bir jyl burynǵy deńgeımen (166,739 myń tonna) salystyrǵanda kórsetkish 38,892 myń tonnaǵa ulǵaıǵan.
Quımalardaǵy altyn kólemi 5 635 kılony qurady. О́tken jyldyń sáıkes kezeńimen salystyrǵanda (4 394 keli) +28,2 paıyzǵa nemese 1 241 kıloǵa ósken. Quımalar men túıirshikterdegi kúmis 229 314 kıloǵa teń. Bir jyl buryn kórsetkish 207 748 kılony quraǵan bolatyn. Kórsetkish bir jylda 21 566 kıloǵa (+10,38 paıyz) ulǵaıǵan.
– «Qazaqmys» kásiporyndarynda óndiris belgilengen josparlarǵa sáıkes júrgizilip jatyr. Biz basqarý prosesterin jaqsartý úshin únemi jumys isteımiz. Jaqyn arada kásiporyndardy basqarý júıesin ońtaılandyrý daıyndalyp jatyr. «Jezqazǵantústimet», «Qaraǵandytústimet», «Balqashtústimet» óndiristik birlestikteri taratylady. Korporasııa quramynda taý-ken baıytý kesheni qurylýda. Keshenniń bas dırektory kenishter men fabrıkalardyń dırektorlarymen tikeleı jumys isteıtin bolady. «Qazaqmys» basshylyǵy úshin kompanııanyń barlyq kásiporynyndaǵy áleýmettik saıasat burynǵysynsha negizgi basymdyq bolyp qala beredi. Máselen, 2022 jylǵy 10 jeltoqsanǵa deıin respýblıkadaǵy ınflıasııalyq prosesterge baılanysty qyzmetkerlerimizdiń jalaqysyn arttyrý mólsheri esepteledi jáne 2023 jylǵy 1 qańtardan bastap kóteriledi, – deıdi «Qazaqmys korporasııasy» JShS basqarma tóraǵasynyń birinshi orynbasary Andreı Gaıdın.
Osy jyldyń tórtinshi toqsanynda «Qazaqmys» katod balamasynda 78,9 myń tonna mys óndirýdi josparlap otyr.
