Prenataldyq sharalar naqtylandy

Týa bitken aýrý anomalııalary­nyń sebebin anyqtaý, zertteý búginde óte ózekti másele. Osyǵan baıla­nysty prenataldyq ýltradybys­tyq dıagnostıka boıynsha eldiń jetekshi mamandarynan Saraptama toby qurylyp, elimizde alǵash ret prenataldyq medısına qyzmetiniń jumysyn reglamentteıtin nor­matıvtik qujattar – «Qazaqstan Respýblıkasynda prenataldyq ýltra­dybystyq skrınıng júrgi­zýdi uıymdastyrý standarty» jáne «Qazaqstan Respýblıkasynda 2022-2025 jyldarǵa arnalǵan prenataldyq ýltradybystyq dıag­nos­tıkany odan ári jetildirý jónindegi jol kartasy» ázirlendi.

Búginde halyqaralyq standart­tarǵa sáıkes prenataldyq ýltra­dybystyq dıagnostıkanyń 150 dári­geri sertıfıkattalsa, baǵ­dar­­lamalar sheńberinde Densaý­lyq saqtaý mınıstrliginiń bas ge­netıgi, professor Gúlshara Júsip­­qyzy Ábildınova jáne Den­saý­­lyq saqtaý mınıstrligi prenataldyq dıagnostıkanyń ÝDZ bo­ıynsha bas mamany, medısına ǵy­lymdarynyń doktory Janar Qýa­nyshbaıqyzy elimizdiń ýltradybystyq dıagnos­tıka dári­gerleri men medısınalyq gene­tıkteriniń kásiptik daıarly­ǵyn art­tyrý boıynsha oqytý júrgiz­di. Densaýlyq saqtaý mınıstrligi júk­tiliktiń 9-aptasynan bastap ınva­zıvti emes prenataldyq DNK test ádisin klınıkalyq praktıkaǵa engizýdi josparlaýda. Bul zertteý júktiliktiń basynda uryq­tyń hromosomalyq aýytqýlaryn joǵa­ry sezimtaldyqpen anyqtaýǵa múmkindik beretin biregeı zamanaýı ádisterdiń biri jáne áıel úshin de, uryq úshin de qaýipsiz bolmaq.

Sonymen qatar júkti áıelderdi skrınıngpen barynsha qamtý úshin irgeles aýmaqtaǵy júkti áıelder sanyna sáıkes qajettilikti, aýdandarda kólik ınfraqurylymyn damytý turǵysynan qoljetimdilikti, ýltradybystyq prenataldyq dıag­nostıka salasyndaǵy halyqaralyq standarttar boıynsha jabdyqtar men sertıfıkasııalanǵan maman­dardyń jetkilikti sanymen qam­ta­masyz etýdi eskere otyryp, óńir­lendirýdi júrgizý josparlanýda. Búginde óńirlerde prenataldyq nátıjelerdi jaqsartý úshin sarap­tamalyq deńgeıdegi medısınalyq qyzmetter kórsetý maqsatynda «Uryq­ty qorǵaý ortalyqtary» uıym­dastyrylǵan. Júktilik kezinde skrınıngtik zertteýlerdi ýaqtyly júrgizý, prenataldyq medısınanyń sońǵy jetistikterine negizdelgen zamanaýı jáne tıimdi medısına­lyq tehnologııalardy engizý boıyn­sha týa bitken patologııadaǵy qaýip tobyn bólip kórsetýge jáne uryq­tyń damý aýytqýlarynyń úlken spektrin dıagnostıkalaýǵa múm­kindik
beredi.

Bul strategııalyq oń sheshimder aldaǵy ýaqytta elimizde týa bitken aqaýy men tuqym qýalaýshy aýrýlary bar bala sanyn boldyrmaýǵa zor septigin tıgizse ıgi.