Máselen, osy jyldyń naýryz-maýsym aılary aralyǵynda R.E. Gýlıev degen azamat taýardyń sapasy men shyǵý tegin rastaıtyn qujattarsyz temeki ónimin satyp alǵan. Ony Astanada «Ámir» bazarynyń aýmaǵynda, Aqmola oblysynyń Aqkól qalasynda jalpy somasy 775 000 teńgege satqan.
«Kontrafaktili temeki buıymdary bar avtokólik taýardy Astanadan Ereımentaý qalasyna deıin tasymaldaý kezinde ustaldy. Jospar boıynsha ol ony bólshek saýda dúkenderi arqyly ótkizbek bolǵan. Kólik quralyn tekserý barysynda jalpy sany 34 500 qorap temeki buıymdary tabyldy», delingen vedomstvo habarlamasynda.
О́ńirlik MKD qorytyndysyna sáıkes, tárkilengen 37 150 qorap aksızdelýge tıis temeki ónimderiniń jalpy quny 22 mln teńgege jýyq somany quraıdy. Sot úkimimen R. E. Gýlıevke 1 jyl bas bostandyǵyn shekteý túrindegi jaza taǵaıyndaldy.
