Astanada osy jyldyń 27 tamyzy men 30 qazany aralyǵynda apta saıyn óńirlik kásipkerlerdiń aýyl sharýashylyǵy jármeńkeleri ótkizildi. Osy ýaqyt ishinde 15 oblystyń fermerleri elordaǵa 5500 tonnadan astam ónim ákeldi. Bul et, kókónister, jemister, un, makaron, bal, balyq, kondıterlik ónimder, sút ónimderi jáne basqalar. Maýsym aıynan bastap ár demalys kúnderi elorda turǵyndarynyń azyq-túlikti naryqtyq baǵadan tómen baǵamen satyp alý múmkindigi boldy. Búgin dástúrli jármeńkeni elordalyq kásipkerler jalǵastyrdy.
Qala turǵyny Aıkerim Jumaǵulova jármeńkege ár demalys saıyn keletinin aıtty.
«Demalys kúnderdiń jármeńkesi bizdiń qalamyzda únemi ótip turatynyna qýanyshtymyz. Biz munda kelip sút satyp alýǵa daǵdylanǵanbyz. Maı men kilegeı de óte dámdi. Kádimgi dúkenderde olar mundaı dámdi emes jáne baǵasy da qymbatyraq. Sút ónimderiniń jaramdylyq merzimi qysqa bolǵandyqtan, biz qajetti ónimdi tek bir aptaǵa alamyz. Qalada ómir súrip, aýyldyń maıy men kilegeıimen tamaqtanǵan qandaı jaqsy. Jármeńkeler jalǵasa bersin», deıdi astanalyq áıel qolyndaǵy kilegeı men sút salynǵan paketti kórsetip.
Dástúrli aýyl sharýashylyǵy jármeńkesinde taýar óndirýshilerdiń, kásipkerlerdiń jáne astananyń kóterme satýshylarynyń qatysýymen azyq-túlik taýarlarynyń alýan túri usynylǵan. Munda kókónister, jemister, et jáne sút ónimderi, balyq, bal jáne basqalary arzan baǵamen satylady.
Aıta keteıik, jármeńke apta saıyn senbi jáne jeksenbi kúnderi «Astana-Arena» stadıonynyń turaq aımaǵynda ótedi.
