Mádenıet jáne sport mınıstrligi TÚRKSOI Turaqty keńesiniń HHHIH otyrysy barysynda halyqaralyq uıymǵa múshe memlekettermen osyndaı kelisimge keldi.
Aıta keteıik, mundaı usynysty mınıstr Dáýren Abaevqa halyqpen kezdesýler barysynda el azamattary jetkizgen bolatyn. О́tinishter qarastyrylyp, Mádenıet komıtetine tıisti tapsyrmalar berilgen edi.
«Mınıstrlik aldaǵy ýaqytta birneshe is-sharany TÚRKSOI uıymymen birlesip ótkizýge nıetti. Solardyń qatarynda materıaldyq emes mádenı muralardy nasıhattaý boıynsha «KYMYZFEST» festıvalin erekshe atap ótý qajet. Biz qazaq kınolaryna da halyqaralyq deńgeıde qoldaý kórsetkimiz keledi. Sondaı-aq túrki halyqtarynyń ortaq tarıhyn eskere otyryp, sımvolızm men geraldıkalyq elementterdi zertteý boıynsha jumystar júrgizetin bolamyz. Qazaqstan tarapynan aıtylǵan usynystardyń bári baýyrlas halyqtardyń baı tarıhyn tereńirek túsinýge, sondaı-aq túrkitildes memleketter arasyndaǵy qarym-qatynasty nyǵaıtýǵa negiz bolady», dedi QR MSM Mádenıet komıtetiniń tóraǵasy Roza Káribjanova.
Ol Býrsa qalasynda ótip jatqan TÚRKSOI Turaqty keńesiniń HHHIH otyrysyna Qazaqstan atynan qatysyp jatyr.
Keńes otyrysy barysynda túrki áleminiń mádenı baılanystaryn arttyrýǵa baǵyttalǵan ekijaqty kezdesýler de ótýde. Bul rette Qazaqstan, Ázerbaıjan, О́zbekstan, Túrikmenstan elderimen ortaq jobalardy talqylap jatyr.
Aıta keteıik, bıyl basqosý Býrsa qalasynda uıymdastyryldy. Bul qala buǵan deıin túrki áleminiń 2022 jylǵy mádenı astanasy retinde tanylǵan bolatyn. Jıyn qorytyndysy boıynsha túrki áleminiń 2023 jylǵy mádenı astanasy bolyp Ázerbaıjannyń Shýsha shahary jarııalandy.
Qazir Túrkııada taǵy bir aýqymdy is-shara - «Qorqyt Ata» kınofestıvali ótýde. Onyń aıasynda Qazaqstannyń kıno kúnderi uıymdastyrylyp, túrik azamattary «Uly dala tańy», «Muzbalaq», «Dos-Muqasan», «Muqaǵalı» fılmderin tamashalap jatyr.
