«PALMER-3» avtonomdy generatoryn qurastyrǵan jergilikti jas ónertapqysh Marat Palmahov mınıstrge qurylǵynyń jumys isteý barysyn kórsetti.
Qorqyt ata atyndaǵy Qyzylorda ýnıversıteti jýrnalıstıka mamandyǵynyń stýdentterimen kezdesýde mınıstr jastar saýalyna jaýap berip, salanyń búgini men erteńi jaıly pikir almasty.
Dostyq úıinde ótken oblys turǵyndarymen kezdesýde sala jumysy men azamattyq qoǵam ınstıtýttaryn damytý baǵytyndaǵy memlekettik qoldaý jaıly aıtyp ótti. Sondaı-aq BAQ salasynda qolǵa alynyp jatqan jumystarǵa toqtalyp, qoǵam talqylaýynan ótken «Mass-medıa týraly» zań jobasynda aqparattyń qoljetimdi bolýy, jýrnalıst mártebesi eskerilgenin jetkizdi.
Kezdesýden keıin mınıstr qoǵamdyq qabyldaý jasap, turǵyndardyń saýaldaryna jaýap berdi. Sapar aıasynda «Qyzylorda» telearnasynda BAQ ókilderine brıfıng ótkizdi.
– Qolyna smartfon ustaǵan kez kelgen jan aqparat taratýshyǵa aınalǵan qazirgi kezeńde jýrnalıstıkanyń bilikti mamandaryna júkteler jaýapkershilik arta túsedi. Sondyqtan da jýrnalıster mártebesin kóterý, aqparatqa qol jetkizýin jeńildetý, ınternet, onlaın platformalardy retteýdi qarastyryp otyrmyz, – dedi mınıstr.
Kezdesýde ardager jýrnalıster Aıtkúl Shalǵynbaeva, Qarshyǵa Esimseıitova Syr boıynda uıymdastyrylyp kele jatqan «Qorqyt jáne uly dala sazy» halyqaralyq festıvali negizinde túrki halyqtarynyń ónerin nasıhattaıtyn birikken televızııalyq joba ázirleý, qazirgi otandyq telearnalarda kórsetilip jatqan shetel serıaldarynyń ózimizdiń kınotýyndylarmen almastyrý týraly usynys aıtty.
Aqparat jáne qoǵamdyq damý mınıstri Jańaqorǵan aýdandyq «Jańaqorǵan tynysy» gazetiniń redaksııasyna baryp, jýrnalısterdiń tynys-tirshiligimen tanysty. Basylymdardy shyǵarýmen qatar taratý isin de jolǵa qoıǵan «Syr medıa» seriktestiginiń jumysyn joǵary baǵalady.
QYZYLORDA
