Kásipkerlermen jáne agrarlyq sektor ókilderimen kezdesýde shtab músheleri óńirdegi kólik jáne áleýmettik ınfraqurylymdy damytý máselelerin talqylady. Budan soń Qyzylorda jylý elektr ortalyǵynyń ujymymen kezdesý ótti. Kezdesý barysynda shtab músheleri kandıdattyń kommýnaldyq sharýashylyq salasynda usynǵan reformalary, týraly aıtyp berdi.
Bul kúni shtab músheleri aıtyskerlermen jáne jyrshylarmen kandıdattyń mádenıet pen ónerdi damytýǵa, sondaı-aq halyqaralyq arenada Qazaqstandy beıbitshilik pen kelisim, izgilik pen toleranttylyq eli retinde tanytýǵa baǵyttalǵan saılaýaldy bastamalaryn talqylady.
«Qazir bizdiń elimiz damýdyń jańa kezeńin bastan ótkerip jatyr jáne halyqtyń erteńgi kúnge degen senimi zor. Ádildik bar jerde halyqtyń yntymaǵy da, ózara aýyzbirshiligi de bekem. Mundaı qoǵamnyń turaqty damıtyny da sózsiz. Memleketimizdi saqtaý, táýelsizdigimizdi baıandy etý ádiletti Qazaqstan qurýdy talap etip otyr. Ádiletti Qazaqstan qurý úshin eń aldymen búkil qoǵamdy ózgertip, oǵan barshamyz atsalysýymyz kerek. Barlyǵymyz aldaǵy saılaýǵa belsendi qatysýymyz qajet, sebebi elimizdiń erteńgi taǵdyry árbirimizdiń daýysymyzǵa baılanysty», dedi jyrshy Uljan Baıbosynova.
