Sońǵy jarys kúni erler úsh jáne áıelder eki salmaq dárejeleriniń júldelerin sarapqa saldy. О́kinishke qaraı, tatamıge shyqqan balýandarymyzdyń deni alǵashqy aınalymnan asa alǵan joq. Atap aıtsaq, Ermahan Ánýarbekov (90 kg) nıderlandtyq Iesper Smınkten, Erqanat Moldaǵulov (100 kg) grýzııalyq Ilıa Sýlamanıdzeden jeńildi. Tusaýkeser kezdesýinde amerıkalyq Krıstıan Konovaldy utqan Jambyl Turǵynalıev (100 kg) kelesi beldesýinde ázerbaıjandyq Jamal Gamzathanovqa jol berdi. Jubanysh beldesýinde jerlesimiz ózbekstandyq Shahrýhhon Baqtıerovtyń osal tusyn taba almady.
Áıelder arasynda Arýna Jangeldına (78 kg) men Nazerke Tileýhanova (78 kg) á degennen jarys jolynan shyǵyp qalsa, Kamıla Berliqash (78 kg) sheshýshi synda horvatııalyq Tına Radıchten basym túsip, qola medal ıelendi.
