Prezıdent ortalyqta belgili tulǵalardyń dombyrylarynan jasaqtalǵan kóshpeli kórmeni tamashalady. Kórmege Atyraý oblystyq tarıhı-ólketaný murajaıynyń qorynda saqtalǵan Abaı Qunanbaıuly, Dına Nurpeıisova, Mahambet О́temisuly syndy tarıhı tulǵalardyń, belgili ǵalym Aqseleý Seıdimbektiń, kompozıtor, jazýshy Ilııa Jaqanovtyń, Nurǵısa Tilendıevtiń, Rysbaı Ǵabdıevtiń, Qarshyǵa Ahmedııarovtyń, Ázıdolla Esqalıevtiń, Ásıma Izmuhambetovanyń, Aıgúl Úlkenbaevanyń jáne basqa da óner qaıratkerleriniń dombyralary qoıylǵan.
Abaı ortalyǵynda oqýshylardyń úıirmelerge qatysyp, óner túrlerin úırenýine jan-jaqty jaǵdaı jasalǵan.
Prezıdent «JasSpace» STEM zerthanasynda jasalǵan jobalarmen, buıymdarmen tanysty. Sondaı-aq bir top jas dombyrashy Qurmanǵazynyń «Balbyraýyn» kúıin oryndady.
«Bárekeldi! Qadyr Myrza-Áli aǵamyz aıtqandaı, «Naǵyz qazaq – qazaq emes, naǵyz qazaq – dombyra». Sondyqtan naǵyz qazaq árqashan osyndaı bolýy kerek!», dedi Prezıdent.
Sondaı-aq óskeleń urpaqty óner-bilimge baýlıtyn Abaı ortalyǵyna Prezıdent atynan avtobýs tartý etildi.
