Qazaqstannan kúnbaǵys maıyn ımporttaıtyn elderdiń tiziminde Grýzııa paıda boldy. Buǵan deıin Grýzııa bul ónimdi Ýkraına men Reseıden alatyn. Al bıyl grýzınder Qazaqstannan quny jarty mıllıon dollardan asatyn 300 tonnadan astam kúnbaǵys maıyn aldy.
«Biz qazaqstandyq eksporttyq ónimderdiń barlyq perspektıvalyq baǵyttaryn tereń zerttep jatyrmyz. Qazaqstandyq kompanııalardyń Grýzııany óz ónimderin keıinnen Batys jáne Shyǵys naryqtaryna eksporttaý orny retinde qarastyrýy óte mańyzdy. Grýzııa Qazaqstan úshin naryqtan góri logıstıkalyq múmkindikke kóbirek uqsaıdy. Osylaısha, Qazaqstanda dástúrli túrde satyp alynatyn taýarlar Grýzııa naryǵynda suranysqa ıe, ımport ósýde. Degenmen, grýzııalyq mamandar buǵan qosa, qazaqstandyq ónimderdiń Eýropamen erkin saýda týraly kelisimi bar Grýzııa arqyly keńirek naryqtarǵa shyǵýy úshin logıstıkalyq baılanysty nyǵaıtýdy jáne keńeıtýdi usynyp otyr», dedi Qazaqstannyń Grýzııadaǵy Qurmetti konsýly Georgıı Djahýtashvılı.
