Kezdesýde «Qazmunaıgaz» ulttyq kompanııasynyń basqarma tóraǵasy Maǵzum Myrzaǵalıev Memleket basshysyna gaz-hımııa kesheniniń damý perspektıvasy týraly baıandady. Jalpy, keshen qurylysyna 4300 adam jumysqa tartylǵan. Ol tolyq iske qosylǵanda 631 adam turaqty jumyspen qamtylady.
«Teńiz» ken ornynda óndiriletin shıkizatty óńdeýge baǵyttalǵan kásiporyn jylyna 500 myń tonna polıpropılen shyǵara alady. Bul álem boıynsha polıpropılen óndirisiniń 1 paıyzyn quraıdy.
О́ndiris oshaǵy elimizdiń polıpropılenge degen suranysyn ótep qana qoımaı, qurylys, medısına, avtomobıl qurastyrý, tamaq ónerkásibi sekildi salalarda polıpropılennen túrli buıym shyǵaratyn shaǵyn jáne orta bıznestiń damýyna yqpal etedi.
Kásiporynda amerıkalyq «Lummus Technology Inc» kompanııasynyń Catofin jáne Novolen tehnologııalary paıdalanylady. Álemde mundaı keshen Saýd Arabııasy, AQSh, Belgııa, Ońtústik Koreıa jáne Qytaı sekildi 5 elde ǵana bar.
