Búgin Astanalyq Aqmaral Naýatbek álem chempıonatynyń fınalyna shyqty. Osylaısha jerlesimiz paradzıýdo tarıhynda kórý múshesi zaqymdalǵan sportshylar arasynda alǵash ret fınalǵa shyqqan qazaq qyzy atandy. Jartylaı fınalda taıpeılik Lı Kaı Lındi jeńgen jerlesimiz, fınalda Aýrıeres Martınetpen kezdesedi. Atap ótken jón, Martınet paralımpıada oıyndarynyń eki dúrkin júldegeri.
О́z kezeginde erler arasynda 73 kelidegi jerlesimiz Erǵalı Shameı aty ańyzǵa aınalǵan rýmynııalyq Aleksandro Bologadan basym tústi. Tartysty jekpe-jekti Erǵalı ustaý ádisimen jeńip, aqtyq synǵa joldama aldy.
Sonymen qatar otandasymyz Fedosova Daıana men Oljas Orazaly álem chempıonatynyń qolasy úshin kúresedi.
Esterińizge sala keteıik, Bakýde kórý qabileti tómen sportshylar arasyndaǵy álem chempıonaty 11 qarashaǵa deıin jalǵasady. Álemniń 40-tan astam elinen 300-den asa sportshy baq synap jatqan baıraqty básekede el namysyn 18 paradzıýdoshy qorǵaýda. Onyń ekeýi Astana qalasynyń sportshylary.
