Ulttyq ekonomıka mınıstrligine qarasty Tabıǵı monopolııalardy retteý komıteti Astana qalasy men Qaraǵandy oblysy boıynsha «QazTranGaz Aımaq» AQ tutynýshylary úshin taýarlyq gazdy bólshek saýdada ótkizý baǵasyna saraptama júrgizdi.
2022 jyldyń qyrkúıeginde Tarıftik vedomstvosynyń suraýy boıynsha «QazTranGaz Aımaq» AQ baǵa saraptamasyn júrgizý úshin qajetti qujattar tizbegin usynǵan edi.
Saraptama qorytyndysy boıynsha Tabıǵı monopolııalardy retteý komıteti «QazTranGaz Aımaq» AQ-nyń Astana qalasynyń tutynýshylary úshin jabdyqtaý ústemaqysyn 35,21%-ǵa, al Qaraǵandy oblysynyń tutynýshylary úshin 32,15%-ǵa tómendetken.
«Atqarylǵan jumystardyń nátıjesinde, jabdyqtaý ústemaqysynyń deńgeıin tómendetý bóliginde, 2022 jylǵy 4 qarashadan bastap Astana qalasynyń turǵyndary 1000 m3 úshin (QQS-syz) 906 teńgege, al Qaraǵandy oblysynyń turǵyndary 1000 m3 úshin (QQS-syz) 1 281,25 teńgege buryn qoldanysta bolǵan baǵadan tómen tóleıtin bolady. Bul rette, Astana qalasynda buǵan deıin 1000 m3 úshin (QQS-syz) 34 550,69 teńge, Qaraǵandy oblysynda 1000 m3 úshin (QQS-syz) 36 430,30 teńge mólsherinde baǵa qoldanylǵan bolatyn, munda búginde tómendeý tıisinshe 2,62% jáne 3,52% qurady», delingen komıtet habarlamasynda.
