«Ekinshi kezdesýde Qazaqstannyń birinshi, álemniń 22-raketkasy Elena Rybakına men dúnıejúzilik reıtıngte 98-satyda turǵan Herrıet Dart kortqa shyqty. Birinshi partııada esep 1:1 bolǵannan keıin Rybakına des bermeı, qatarynan bes oıyndy aldy - 6:1. Ekinshi setti qazaqstandyq sportshy 2:0 esebimen sátti bastaǵanymen, Dart tarazy basyn teńestirdi. Esep 4:4 bolǵan mezette Elena taǵy bir breıkke qol jetkizdi. Sodan keıin matchqa dop bergende, múmkindigin jibergen joq – 6:4», delingen QTF habarlamasynda.
Osylaısha, Qazaqstan 2:0 esebimen alǵa shyqty. Endi qalǵan juptyq báseke eshteńeni sheshpeıdi.
Sársenbi kúni qazaqstandyq qyzdar S tobynda Ispanııamen sheberlik synasady. Ony jeńse, jartylaı fınalǵa joldama almaq.
