QR Densaýlyq saqtaý mınıstrliginiń málimetine sáıkes, 1 288 qyz jáne 1 172 ul, 364 bala kóp uryqty júktilikten týyldy.
Esterińizge sala keteıik, 2020 jyldyń 1 qyrkúıeginde Memleket basshysy «Qazaqstan Jańa naqty ahýalda: is – qımyl ýaqyty» atty halyqqa Joldaýynda Úkimetke 2021 jyldan bastap EKU-ǵa kvotalardy 7 esege ulǵaıta otyryp iske qosýdy tapsyrǵan bolatyn, oǵan respýblıkalyq bıýdjetten 6 mlrd teńgeden astam qarjy bólindi.
Memleket basshysynyń Joldaýyn sapaly iske asyrý maqsatynda Densaýlyq saqtaý mınıstrligi birqatar is-sharalar ótkizdi:
- Jetekshi mamandandyrylǵan mamandar men densaýlyq saqtaýdy uıymdastyrýshylar arasynan Saraptamalyq keńes quryldy;
- «Ańsaǵan sábı» arnaıy baǵdarlamasy bekitildi, ony iske asyrý sheńberinde KRT boıynsha normatıvtik-quqyqtyq aktiler qaıta qaraldy;
- О́ńirler bólinisinde bedeýligi bar pasıentterdiń (áıelder men erler) tizimderi ózektendirildi;
- Urpaqty bolý jasyndaǵy áıelder men erlerdiń sanyn eskere otyryp, óńirler boıynsha 7000 EKU sıkli bólindi;
- Áleýmettik medısınalyq saqtandyrý qory (ÁMSQ) medısınalyq uıymdar bólinisinde EKU qyzmetteriniń kólemin ornalastyrdy. MÁMS júıesinde EKU ótkizý boıynsha qyzmetterdi búginde 19 klınıka usynady (onyń 3-i memlekettik, 16-sy jeke medısınalyq uıymdar).
Osylaısha, bul nátıjeler Densaýlyq saqtaý mınıstrliginiń «Ańsaǵan sábı» áleýmettik baǵdarlamasyn tabysty iske asyrǵanyn aıǵaqtaıdy jáne budan ári MÁMS júıesinde jyl saıyn EKU-ǵa daıyndalǵan pasıentterdiń barynsha kóp sanyn qamtamasyz etý múmkindigi bolady.
