Májilis tóraǵasy Erlan Qoshanov jańa depýtatty quttyqtap, qyzmetine tabys tiledi.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýsııasy men zańdaryn múltiksiz oryndaýǵa, maǵan júktelgen depýtattyq joǵary mindetterdi adal atqarýǵa ant etemin», dedi Dmıtrıı Legkıı.
Májilistiń jalpy otyrysynda Dmıtrıı Legkıı qaı komıtet quramyna kiretini de aıtyldy. Ol Áleýmettik-mádenı damý komıtetinde qyzmet atqarady.
«Dmıtrıı Maksımovıch – tarıhshy, qoǵam qaıratkeri, ustazdyq tájirıbesi mol, kóp jyldar boıy Qostanaı pedagogıkalyq ınstıtýtynyń, odan keıin Baıtursynov atyndaǵy Qostanaı memlekettik ýnıversıtetiniń tarıh-quqyqtyq fakýltetteriniń meńgerýshisi bolyp qyzmet atqardy», dedi Májilistiń Áleýmettik-mádenı damý komıtetiniń tóraǵasy Jámılıa Nurmanbetova.
