Bıylǵy jyldyń 20 qarashasynan bastap Túrik áýe kompanııasy Almaty-Ankara baǵyty boıynsha aptasyna eki reıs jıiligimen seısenbi jáne jeksenbi kúnderi A-320 jáne Boıng 737 tıpti áýe kemelerinde turaqty jolaýshylar reısin oryndaýdy josparlap otyr.
Sonymen qatar osy jyldyń 5 jeltoqsanynan bastap áýe kompanııasy A-320 jáne Boıng 737 ushaqtarymen dúısenbi jáne sársenbi kúnderi Astana men Ankara arasynda aptasyna eki reıs jıiligimen ushatyn reısterdi josparlap otyr.
«Reısterdiń ulǵaıýy jáne ushý geografııasynyń keńeıýi Qazaqstan men Túrkııa arasyndaǵy saýda-ekonomıkalyq, iskerlik, ınvestısııalyq jáne týrıstik yntymaqtastyqty odan ári damytýǵa yqpal etedi», dep habarlady IIDM baspasóz qyzmeti.
1 qarashada Pegasus Airlines túrik áýe kompanııasy Almaty men Ankara arasynda reıs ashty. Qalalar arasyndaǵy turaqty reıster aptasyna eki ret, sársenbi jáne senbi kúnderi, A-320 jáne B 737 ushaqtarynda júzege asyrylady.
