Polisia.kz málimetinshe, búgin saǵat 06.15 shamasynda Pavlodar – Qyzylorda avtojolynda Shiderti kentiniń mańynda Toyota Alphard markaly eki avtokóliktiń qatysýymen jol apaty bolǵan. Jol apaty saldarynan 34 jastaǵy jolaýshy aýrýhanaǵa jetkizilgen.
Sol kúni saǵat 07.30 shamasynda Lımonnaıa kóshesindegi úıge qarama-qarsy jerde Volksvagen Passat markaly avtokóliktiń júrgizýshisi 14 jastaǵy kámeletke tolmaǵan jasóspirimdi qaqqan. Ol rettelmeıtin jaıaý júrginshiler ótkeli arqyly joldyń júris bóliginen ótken. Jol-kólik oqıǵasy saldarynan jaraqat alǵan bala aýrýhanaǵa jatqyzylǵan.
– Jaıaý júrginshilerge qystyń bastalýymen júrgizýshilerge kólik quralyn basqarý qıynyraq ekenin eske salamyz. Aýa raıynyń qolaısyzdyǵyna baılanysty avtokólik ıelerin jazǵy dóńgelekterin qysqy dóńgelekke aýystyrýǵa keńes beremiz, – dedi Pavlodar oblysy PD bastyǵynyń birinshi orynbasary Jasqaırat Qaıyrov.
