Ekibastuz qalasynda shtab músheleri álemdegi eń úlken «Bogatyr» ashyq kómir kenishiniń eńbek ujymymen kezdesip, kenshilerge kandıdattyń baǵdarlamasyndaǵy jumysshylardyń quqyqtaryn qorǵaý jáne óndiristegi qaýipsizdikti arttyrýǵa qatysty basymdyqtary týraly aıtyp berdi.
«Azamattardyń adal ónimdi eńbegi qurmettelýi, qorǵalýy jáne oǵan laıyqty eńbekaqy tólenýi mańyzdy. Qyzmetkerlerdiń mansaptyq bolashaǵy men tabysy olardyń kásibıligine, jaýapkershiligi men ábjildigine baılanysty bolýy kerek. Jastardy eńbekqorlyqqa baýlyǵan jón», dedi respýblıkalyq qoǵamdyq shtab delegasııasynyń basshysy Ashat Oralov.
Pavlodar qalasynda Qasym-Jomart Toqaevtyń jaqtastary tramvaı basqarmasy men elektrolız zaýytynyń ujymdarymen kezdesý ótkizdi. Júzdesý barysynda kandıdattyń saılaýaldy baǵdarlamasyndaǵy jańa óńirlik saıasatqa arnalǵan bólimi talqylandy. Budan soń Dostyq úıinde shtab músheleri óńir jurtshylyǵymen saılaýaldy baǵdarlamanyń negizgi baǵyttaryn talqylady. Jastar belsendilerimen kezdesýde jastar saıasatyndaǵy bastamalar sóz boldy.
