Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetov málimetinshe, áleýmettik qyzmetter portalynda 60-tan asa shıpajaıdyń tizimi bar.
– Atyraý oblysy ákimdiginiń qoldaýymen birinshi toptaǵy múgedekter men erekshe balalarǵa, olardyń jeke kómekshilerine 14 kúnge shıpajaıǵa joldama berildi. Tegin joldamanyń baǵasy 55 AEK kólemin quraıdy. Áleýmettik qyzmetter portalynan múgedektigi bar barlyq toptaǵy adamdar ózderiniń elektrondy sıfrlyq qoltańbasy arqyly úıden shyqpaı-aq joldama alý múmkindigin paıdalanady. Olarǵa aýdandyq jumyspen qamtý bólimderi men okrýg ákimdikterindegi ózine-ózi qyzmet kórsetý buryshynyń mamandary kómek beredi, – deıdi A.Mámbetov.
Áleýmettik qyzmetter portaly arqyly tańdaǵan shıpajaıyna tegin joldama alǵandardyń qatarynda Naýryzbek Shákıev te bar. Ol – birinshi toptyń múgedektigi bar azamat.
– Buryn shıpajaıǵa tegin joldama tek ózime ǵana beriletin edi. Al kútýshige joldamany óz qarajatymyzǵa satyp alyp keldik. Endi bıyl jeke kútýshime de shıpajaıǵa joldama birge berildi. Buryn qarajattan qysylǵan kezde 14 kúnge eseptelgen emniń jartysyn ǵana alýǵa májbúr bolyp júrdik. Bıyl oblystyq ákimdiktiń qoldaýymen shıpajaıdaǵy emdik prosedýralardy tolyq aldym, – deıdi N.Shákıev.
Endi óńirdegi jalǵyzbasty jáne zeınetker jasyndaǵy 100 qarııa shıpajaıda tegin em alady. Egde jastaǵy adamdarǵa osyndaı múmkindik berý úshin oblystyq jumyspen qamtýdy úılestirý jáne áleýmettik baǵdarlamalar basqarmasy, óńirde jumys isteıtin kompanııa men «Atyraý shıpajaıy» AQ arasynda úshjaqty kelisimshartqa qol qoıyldy. Kelisimshartqa sáıkese atalǵan basqarma em-domdy qajet etetin 100 zeınetkerdiń tizimin usynady.
– Egde jastaǵy qarttarǵa qamqorlyq kórsetý maqsatynda jalǵyzilikti jáne áleýmettik jaǵdaıy tómen otbasyndaǵy ardagerlerge jergilikti shıpajaıǵa joldama berýdi jón kórdik. О́ıtkeni qarııalarǵa ózge aımaqtarda ornalasqan kýrorttyq shıpajaılarǵa baryp-kelý ońaı emes. Sol sebepten olar shıpajaılarǵa barýdan bas tartady. Osyny eskerip, «Atyraý shıpajaıy» men jergilikti kompanııa basshylaryna usynysymyzdy bildirdik. Olar bul usynysqa qoldaý bildirip, 100 joldama úshin qarjy bólýge sheshim qabyldady, – deıdi A.Mámbetov.
Onyń aıtýynsha, qarııalar jergilikti shıpajaıda balshyqpen, parafınmen emdelip, mıneraldy vanna, fızıoterapııa, emdik massaj jáne galoterapııa sekildi prosedýralardy alady. Emdelýshi qarııalar standartty bólmede jatyp, tórt mezgil tamaqpen qamtylady.
Atyraý oblysy
